अंग्रेजी भाषामा दिइने कुनै पनि सिफारिसका लागि पाँच सय रुपैयाँ शुल्क

भदौ ५, २०७५ मंगलबार ८:९:३२ | प्रकाश धौलाकोटी

तेह्रथुम – तेह्रथुमको म्याङलुङ नगरपालिकाले अंग्रेजी भाषामा दिइने सबै प्रकारका सिफारिसमा ५ सय रुपैयाँ शुल्क निर्धारण गरेको छ ।

यस्तै सम्बन्ध विच्छेद मुद्धा दर्ता ५ सय, नागरिकता प्रमाण पत्र सिफारिस १ सय, सर्जिमिन सिफारिस २ सय, प्रतिलिपिका लागि सिफारिस २ सय, अंगीकृत नागरिकता र वैवाहिक अंगीकृत नागरिकताका लागि १ हजार रुपैयाँ कर शुल्क निर्धारण गरेको छ ।

पशु र कृषि बीमा तथा स्वास्थ्य बीमा सिफारिसका लागि १ सय रुपैयाँ र आगलागी राहत माग निवेदनका लागि १ सय रुपैयाँ लिने निर्णय गरेको छ । नगरपालिकाले आर्थिक वर्ष २०७५/०७६ मा आन्तरिक आम्दानी ६५ लाख रुपैयाँ संकलन गर्ने लक्ष्य लिएको छ ।

व्यवसायीहरुबाट कारोबार र बिक्री गर्ने सामानका आधारमा न्यूनतम वार्षिक ५ सय रुपैयाँदेखि ५ हजार रुपैयाँसम्म कर तिर्नुपर्ने शुल्क निर्धारण गरेको छ ।

यस्तै घर बहाल करलाई पनि १२ प्रतिशत कायम राख्दै सबैलाई कार्यान्वयन गर्ने नीति लिएको छ । बजार क्षेत्रमा जथाभावी निर्माण सामाग्री राख्ने चलन बढेपछि नगरपालिकाले ढुंगा गिटी वालुवा स्टक कर लगाउने भएको छ ।

नगरपालिकाले प्रति ट्याक्टर ५० रुपैयाँ र प्रति ट्रक २ सय रुपैयाँ कर निर्धारण गरेको छ । यस्तै नगरपालिकाले सबै प्रकारका घटना दर्तामा एक सय रुपैयाँ जरिवाना तोकेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्