सूइज नहरमा अड्किएको पानीजहाज इजिप्टले नियन्त्रणमा लियो, ९०० मिलियन डलर क्षतिपूर्ति माग्यो

वैशाख १, २०७८ बुधबार १९:४३:१२ | एजेन्सी

काठमाण्डाै – एसिया र युरोपबीच सबैभन्दा छोटो जलमार्गमा पर्ने सूइज नहरमा अड्किएको एउटा विशाल पानीजहाजलाई इजिप्टले नियन्त्रणमा लिइएको छ । पानीजहाजलाई अदालतको आदेशमा नियन्त्रणमा लिइएको अन्तर्राष्ट्रिय सञ्चारमाध्यमले जनाएका छन् ।

सूइज नहरका अधिकारीहरुले त्यस पानीजहाजका मालिकको तर्फबाट नौ सय मिलियन अमेरिकी डलर दिइएपछि मात्र पानीजहाज छोडिने जनाएका छन् । दुई लाख टनको इभर गिभन पानीजहाज गएको महिना सूइज नहरमा अड्किएको थियो ।

यो जहाज नहरमा अड्किएका कारण अरु मालवाहक जहाज अर्कै रुट भएर जानुपरेको थियो । यस नहर भएर दिनहुँ अरबौँ डलरको कारोबार हुन्छ । यस्तोमा जहाज फस्दा विश्वको यातायात तथा व्यापारमा निकै असर परेको थियो ।

सूइज नहरबाट सन् २०२० मा मात्रै १९ हजार पानीजहाज ओहोरदोहोर गरेको तथ्याङ्कले देखाउँछ । सूइज नहरको बाटोबाट विश्वको १२ प्रतिशत व्यापार हुने गरेको बताइन्छ ।

झण्डै ६ दिनको मेहनतपछि इजिप्टका अधिकारी र अन्तर्राष्ट्रिय विशेषज्ञको टोली यो जहाज निकाल्न सफल भएका थिए ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्