सर्वदलीय बैठक सुरु : देउवा उपस्थित, प्रचण्ड अनुपस्थित

वैशाख ४, २०७८ शनिबार १२:९:१५ | उज्यालो सहकर्मी

काठमाण्डाै - प्रधानमन्त्री केपी शर्मा ओलीको आह्वानमा बालुवाटारमा सर्वदलीय बैठक सुरु भएको छ।

कोरोना महामारीको बढ्दो जोखिम, नियन्त्रणका पहल, हिउँदे अधिवेशनसहित समसामयिक विषयमा छलफल गर्न प्रधानमन्त्री ओलीले सर्वदलीय बैठक बोलाउनुभएको हो।

बैठकमा प्रमुख प्रतिपक्षी नेपाली कांग्रेसको तर्फबाट सभापति शेरबहादुर देउवा, रामचन्द्र पौडेलसहित ४ जना सहभागी हुनुहुन्छ । यस्तै माओवादी केन्द्रका अध्यक्ष पुष्पकमल दाहाल प्रचण्ड भने बैठकमा सहभागी हुनुभएको छैन । आफूहरुलाई सर्वदलीय बैठक भनेर नबोलाइएको प्रचण्डको सचिवालयले जनाएको छ।

सर्वदलीय बैठकबारे पार्टीमा कुनै जानकारी नै नभएकाले यसबारे छलफल नै नभएको माओवादी केन्द्रका नेताहरुले बताएका छन् । यस्तै आजको बैठकमा जनता समाजवादी पार्टी (जसपा) का नेताहरु सहभागी छन् । आफूहरु अहिले बैठकमा रहेको र छलफल चलिरहेको नेता लक्ष्मणलाल कर्णले उज्यालोलाई जानकारी दिनुभयो ।

दलका नेताहरुबीच तिक्तता बढेका बेला प्रधानमन्त्री ओलीले सर्वदलीय बैठक आह्वान गर्नुभएको हो । केन्द्रमा नयाँ सत्ता समीकरणको बहस चल्दै गर्दा प्रदेशमा पनि केन्द्रको प्रभाव सुरु भएको छ । कर्णाली प्रदेशका मुख्यमन्त्री महेन्द्रबहादुर शाहीविरुद्धको अविश्वासको प्रस्ताव फेल भएको छ भने गण्डकी प्रदेशका मुख्यमन्त्री पृथ्वीसुब्बा गुरुङविरुद्ध पनि अविश्वासको प्रस्ताव दर्ता भएको छ ।

यसबारे पनि सर्वदलीय बैठकमा कुरा उठ्ने नेताहरुले बताएका छन् । आफ्नै पार्टी नेकपा एमालेको खनाल–नेपाल समूहका नेताहरुले फ्लोर क्रश गरेर कर्णालीका मुख्यमन्त्री शाहीलाई सहयोग गरेपछि प्रधानमन्त्री केपी शर्मा ओली थप सशङ्कित र समस्यामा पर्नुभएको छ ।

अन्तिम अपडेट: पुस १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्