स्वास्थ्यकर्मी ड्युटीमा नबस्दा तीन महिने शिशुको इमर्जेन्सी वार्डमा ज्यान गयो

 भदौ ९, २०७५ शनिबार १८:५५:४५ | गोपाल भण्डारी
unn.prixa.net

कपिलवस्तु –इमर्जेन्सी वार्डमा स्वास्थ्यकर्मी नहुँदा कपिलवस्तुको तौलिहवामा रहेको जिल्ला अस्पतालमा एक शिशुको शनिबार ज्यान गएको छ ।

झाडापखाला र ज्वरो आएपछि जिल्ला अस्पताल तौलिहवामा उपचारको ल्याइएका तीन महिनाका बच्चाको उपचार गर्ने डाक्टर वार्डमा नबस्दा बच्चाको ज्यान गएको पीडित परिवारले जनाएका छन् । 

यशोधरा गाउँपालिका वडा नं. ५ सुल्तनवापुर गाउँका बलबहादुर तेलीको ३ महिनाको बच्चाको अस्पतालको इमर्जेन्सी वार्डमा ज्यान गएको हो । आफ्नो ३ महिनाको छोराको मृत्यु स्वास्थ्यकर्मी इमरजेन्सी वार्डमा नबस्दा चेकअपको अभावका कारण भएको पीडितले गुनासो गर्नुभयो । 

इमर्जेन्सी वार्डमा ओजेटीका लागि आएका विद्यार्थी बाहेक जिम्मेवार स्वास्थ्यकर्मी कोही नभएका कारण बालकको ज्यान गएको अस्पतालमा चेकअपका लागि आएका अन्य सर्वसाधारणले पनि बताएका छन् ।

इमर्जेन्सी वार्डबाट आफूलाई खबर आउन साथ आफू चेकअपका लागि पुगे पनि त्यस बेला बच्चाको ज्यान गइसकेको अस्पतालकी मेडिकल अधिकृत डाक्टर कत्यायनी पाण्डेले बताउनुभयो ।

इमर्जेन्सी वार्डमा ड्युटीमा रहेका अहेव बृजेशकुमार पाण्डेयले त्यो समयमा आफू शौच गर्न गएको बताउनुभयो । अहेव पाण्डेय शौच गएका गर्न गएका बेला इमर्जेन्सी वार्डमा स्वास्थ्य उपचारको सेवा अभावका कारण आफ्नो छोराको ज्यान गएको मृतकका पिता दलबहादुरले बताउनुभयो ।

‘घटना निकै दुखद भयो’, डा. पाण्डेयले भन्नुभयो, ‘तर इमर्जेन्सी वार्डमा २ जना स्वास्थ्यकर्मीको ड्युटी हुनु पर्नेमा एक जनाको मात्रै भएका कारण यस्तो समस्या देखिएको हो । एक जना शौच गर्न जाँदा त्यसै समयमा घटना हुन गयो ।’

‘तर पनि त्यस समयमा ओजेटीमा रहेका भाइबैनीहरुले मलाई खबर गरेको भए पनि हुन्थ्यो तर मैले खबर नै पाइन’, डा. पाण्डेयले भन्नुभयो । जिल्ला अस्पतालमा हुने यस्तो लापरबाहीबाट सर्वधारणहरु दैनिक रुपमा प्रभावकारी स्वास्थ्य सेवाबाट पाउनबाट बञ्चित भए पनि सरोकारवाला निकायको अझै ध्यान पुग्न सकेको छैन् । 
 

अन्तिम अपडेट: मंसिर ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ । 

1 Comments

  • Bashanta rai

    Aug. 25, 2018, 7:39 p.m.

    यो जिल्ला अस्पतालको लापरवाही चाहिँ होइन , सबैले बुझ्नुपर्ने कुरा छ / इमर्जेन्सीमा एउटा स्वास्थ्यकर्मीको ड्युटी अनि डाक्टरलाई खबर गर्नुपर्ने अवस्था , बिरामे अस्पताल ल्याएको केहिबेरमा बित्छ / कपिलवस्तु जस्तो सुगम ठाउँमा त एक शिफ्टमा २ जना स्टाफ राख्न नसक्ने सरकारी दरवन्दी / डाक्टर त परको कुरा अनि हाम्रा जनता महानुभावलाई वास्ता नगर्यो, गरे पनि नजिकै मेडिकलवाट दबाई किनेर दियो , अनि गम्भीर अवस्था भए पछि जिल्ला अस्पताल कुद्यो , केहि बेरमा छैन त्यसैले स्वास्थ्यकर्मीको लापरवाही मात्र नभनौं /

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई