काठमाण्डाै – आफूलाई सामाजिक अभियन्ता बताउने ज्वाला संग्रौलासहित तीन जनालाई प्रहरीले पक्राउ गरेको छ । युवा सङ्घकी नेतृ खुस्बु घिमिरेलाई कुटपिट गरेको अभियोगमा महानगरीय प्रहरी परिसर टेकुले संग्रौलासहित हिमाल उपाध्याय र शर्मिला वाइवालाई पक्राउ गरेको हो ।

संग्रौलासहितको टोलीले आफूलाई कुटपिट गरेको भन्दै नेतृ घिमिरेले जाहेरी दिएका आधारमा उनीहरूलाई पक्राउ गरिएको महानगरीय प्रहरी परिसर टेकुका प्रहरी उपरीक्षक रमेशकुमार बस्नेतले जानकारी दिनुभयो ।

पक्राउ परेकाहरूमाथि कुटपिट, अभद्र व्यवहार तथा प्रहरीमाथि समेत हातपात गरेको अभियोग छ । संग्रौलाले नै महाराजगञ्जमा एक जना ट्राफिक प्रहरी निरीक्षकलाई रङ्गभेदी व्यवहार गरेपछि चौतर्फी आलोचना भइरहेको छ ।