११ महिनामा आठ खर्ब ७० अर्ब रेमिट्यान्स भित्रियो

 असार ३१, २०७८ बिहीबार १३:३६:३४ | उज्यालो सहकर्मी
unn.prixa.net

प्रतिकात्मक तस्बिर

काठमाण्डाै – विदेश जाने नेपालीको सङ्ख्यामा कमी आए पनि चालु आर्थिक वर्षको ११ महिनामा आठ खर्ब ७० अर्ब ९४ करोड रुपैयाँ बराबरको विप्रेषण (रेमिट्यान्स) देशभित्र भित्रिएको छ । नेपाल राष्ट्र बैंकले आज बिहीवार सार्वजनिक गरेको विवरणअनुसार समीक्षा अवधिमा रेमिट्यान्स आप्रवाह १२ दशमलव ६ प्रतिशतले बढेको छ ।

अघिल्लो वर्षको यही अवधिमा रेमिट्यान्स आप्रवाह ३ दशमलव २ प्रतिशतले घटेको थियो । अमेरिकी डलरमा रेमिट्यान्स आप्रवाह १० दशमलव ४ प्रतिशतले वृद्धि भइ सात अर्ब ३९ करोड रुपैयाँ पुगेको छ । अघिल्लो वर्ष यस्तो आप्रवाह ५ दशमलव २ प्रतिशतले घटेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको सङ्ख्या ५९ दशमलव ९ प्रतिशतले घटेको छ । अघिल्लो वर्षको यही अवधिमा यस्तो सङ्ख्या १२ दशमलव ४ प्रतिशतले घटेको थियो । वैदेशिक रोजगारीका लागि पुनः श्रम स्वीकृति लिने नेपालीको सङ्ख्या जेठ मसान्तसम्म ४७ दशमलव १ प्रतिशतले घटेको छ । अघिल्लो वर्षको यही अवधिमा यस्तो सङ्ख्या ३१ दशमलव १ प्रतिशतले घटेको थियो । 

यही अवधिमा खुद ट्रान्सफर ११ दशमलव ४ प्रतिशतले वृद्धि भइ नौ खर्ब ७१ अर्ब चार करोड रुपैयाँ पुगेको छ । अघिल्लो वर्षको यही अवधिमा यस्तो ट्रान्सफर ३ दशमलव ९ प्रतिशतले घटेको थियो । 

अन्तिम अपडेट: माघ १८, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया