२४ घण्टामा ३ हजार ८ सय ४० जनामा काेराेना पुष्टि, ३३ जनाकाे ज्यान गयाे

साउन १३, २०७८ बुधबार १७:२:१ | उज्यालो सहकर्मी

काठमाण्डाै – पछिल्लो २४ घण्टामा देशभर तीन हजार आठ सय ४० जनामा काेभिड १९ (कोरोना भाइरस) सङ्क्रमण पुष्टि भएको छ । १० हजार आठ सय ८६ जनाको पीसीआर र चार हजार नौ सय २२ जनाको एन्टिजेन विधिबाट गरी १५ हजार आठ सय आठ जनाको नमुना परीक्षण गर्दा तीन हजार आठ सय ४० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यो कुल परिक्षणको २४ दशमलव २९ प्रतिशत हो । तथ्याङ्कअनुसार कोरोना सङ्क्रमण दर बढिरहेको छ । योसहित नेपालमा कोरोना सङ्क्रमण पुष्टि हुनेको सङ्ख्या सात लाख ४६ हजार सात सय तीन पुगेको छ ।

पछिल्लो २४ घण्टामा काठमाण्डाै उपत्यकामा आठ सय ५९ जनामा कोरोना सङ्क्रमण पुष्टि भएको छ । काठमाण्डाैमा पाँच सय ५९ जना, भक्तपुरमा ९५ जना र ललितपुरमा दुई सय ६ जनामा सङ्क्रमण पुष्टि भएको मन्त्रालयले जनाएकाे छ ।

यस्तै पछिल्लो २४ घण्टामा एक हजार नौ सय ९३ जना निको भएका छन् । योसँगै कोरोना सङ्क्रमणमुक्त हुनेको सङ्ख्या ६ लाख ४९ हजार ७२ जना पुगेको छ ।

यही अवधिमा थप ३३ जनाले कोरोना सङ्क्रमणबाट ज्यान गुमाएका छन् । योसहित कोरोना सङ्क्रमणबाट ज्यान गुमाउनेको सङ्ख्या नौ हजार सात सय ९१ पुगेको छ ।

अहिले नेपालमा २९ हजार चार सय ४४ जना सक्रिय सङ्क्रमित छन् ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्