जर्मनीको एउटा खोप केन्द्रमा कोरोनाविरुद्धको खोप भन्दै सलाइन पानी लगाएको खुलासा

साउन २९, २०७८ शुक्रबार १४:२८:२० | एजेन्सी

काठमाण्डाै – जर्मनीको एक खोप केन्द्रमा स्वास्थ्यकर्मीले कोरोनाविरुद्धको खोपको साटो सलाइन पानी दिइएको पाइएको छ । नर्थ सी नजिकै फ्रिसल्यान्डमा रहेको खोप केन्द्रमा भएको घटनाबारे प्रहरीले थप अनुसन्धान गरिरहेको बीबीसीले जनाएको छ ।

आरोपित स्वास्थ्यकर्मीले आफूले खोपको बोतल फुटाएपछि छ जनालाई सलाइन दिएको स्वीकार गरेकी तर त्यहाँ अरू धेरैलाई कोरोनाविरुद्धको खोप भनेर सलाइन पानी लगाइदिएको हुन सक्ने प्रहरीले जनाएको छ ।

सलाइन लगाइदिएको खोप केन्द्रमा गएर खोप लगाएका आठ हजार पाँच सय ५७ जना मानिसलाई दोहोर्‍याएर खोप लगाउन भनिएको बीबीसीले जनाएको छ । प्रभावितमध्ये धेरैजसो ७० वर्षभन्दा माथि उमेर भएका जोखिम समूहका मानिसहरू भएको बताइएको छ ।

कोरोनाविरुद्धको खोप भन्दै सलाइन लगाइदिने ४० वर्षीया स्वास्थ्यकर्मीले कोरोनाबारेमा नकारात्मक टिप्पणी गर्नुका साथै भाइरसको सङ्क्रमण रोक्न गरेको प्रतिबन्धहरूको आलोचनासमेत गरेको प्रहरीले जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्