तीन वर्षपछि कांग्रेस जिल्ला कार्यसमितिले पूर्णता पायो

भदौ २३, २०७५ शनिबार ८:५६:९ | नवीन गुरुङ

संखुवासभा – नेपाली कांग्रेस जिल्ला कार्यसमितिले अधिवेशन भएको तीन वर्षपछि बल्ल पूर्णता पाएको छ ।

शुक्रबार साँझ अबेरसम्म जिल्ला सभापति दीपनकुमार श्रेष्ठको अध्यक्षतामा बसेको बैठकले रिक्त रहेको पदमा ८ जनालाई जिल्ला सदस्य पदमा मनोनित गरेको हो । मनोनित हुनेहरुमा पूर्वसांसद बिना पौडेल, शेरबहादुर बन, थीरबहादुर राई, नर्बु लामा, हरिश्वर थापामगर, भक्तबहादुर श्रेष्ठ, पदमबहादुर अधिकारी, भक्तबहादुर गुरुङ रहेका छन ।

२०७२ साल माघ २५ गते भएको जिल्ला अधिवेशनमा दीपनकुमार श्रेष्ठ र पासाङ्ग शेर्पाले बराबर मत ल्याएका थिए । त्यसको एक वर्षपछि केन्द्रीय समितिको रोहबरमा गोलप्रथाबाट श्रेष्ठ सभापतिमा चयन भएका थिए ।

सभापतिले लामो समय रिक्त पदमा मनोनित गर्न सकेको थिएन । जिल्ला अधिवेशनबाट २० जना निर्वाचित भएका थिए । भने ८ जना मनोनित गरी २८ सदस्यीय जिल्ला कार्यसमिति बनेको सभापति श्रेष्ठले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्