३३ किलो सुन तस्करी : छिरिङ पनि पुर्पक्षका लागि जेल चलान

 जेठ २०, २०७५ आइतबार १९:१६:२४ | उज्यालो सहकर्मी

मोरङ – ३३ किलो सुन तस्करी प्रकरणका अभियुक्त डाक्टर डेबिट भनिने छिरिङ वाङ्गेल घलेलाई पुर्पक्षका लागि जेल चलान गरिएको छ ।

घलेलाई जिल्ला अदालत, मोरङका न्यायाधीश नारायणप्रशाद शर्माको आदेशले पुर्पक्षका लागि जिल्ला कारागार, मोरङमा थुनामा पठाइएको हो । संगठित अपराध ऐन २०७० र मुलुकी ऐनको अदालती बन्दोबस्तीको दफा १८ बमोजिम घलेलाई जेल चलान गरिएको प्रहरीले जनाएको छ ।

छिरिङले आइतबार प्रहरीसमक्ष आत्मसमर्पण गरेका थिए । 

 

उनलाई जिल्ला अदालतमा उपस्थित गराएर आइतबारै  १० पेजको बयान लिएपछि थुनछेक बहस भएको थियो । थुनछेक बहसमा छिरिङका तर्फबाट वरिष्ठ अधिवक्ता बिश्व भट्टराई र अधिवक्ता सरोज अधिकारीले बहस गरेका थिए भने सरकार वादीको तर्फबाट जिल्ला न्यायाधिवक्ता पुण्य प्रसाद पाठकले बहस गरेका थिए । 

यसअघि प्रकरणमा मुख्य अभियुक्त बनाइएका चुडामणि उप्रेती ‘गोरे’ ले नेपालमा सुन तस्करीको धन्दा चलाउने प्रमुख व्यक्ति छिरिङ वाङ्गेल घले भएको बयान दिएका थिए । गोरेले आफूले भरियाहरुको सेटिङ मिलाउने काम मात्रै गरेको दाबी गरेका थिए । घलेले एसएसपी श्याम खत्रीसँग विमानस्थलमा सेटिङ मिलाएको गोरेको बयान थियो । तर, छिरिङले भने इन्कारी बयान दिएका छन् ।

घलेले आफुले गोरेलाई नचिन्ने जिकिर गर्दै बयान दिएका हुन् । छिरिङ सुन तस्करीसँग जोडिएका अर्का अभियुक्त भुजुङ गुरुङका साला हुन् । भुजुङ पनि पुर्पक्षका लागि जेलमा छन् । 

अन्तिम अपडेट: चैत २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

अमेरिकी राष्ट्रपति ट्रम्पसँगको सम्बन्धले मस्कको कम्पनी टेस्ला समस्यामा

२

सरकारी जग्गा कब्जा गरेकाे आराेप प्रमाणित गर्न रास्वपा सांसदलाई कांग्रेस नेता केसीकाे चुनाैती

३

माेटरसाइकल दुर्घटनामा घाइते भएका बर्दियाको चुरे माविका पूर्वशिक्षक थारुको ज्यान गयो

४

अन्तरिक्षमा नौ महिनादेखि रोकिएका दुई जनालाई फिर्ता ल्याउन स्पेसएक्सले रकेट पठायो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई