भारतसँगको टेष्ट शृङ्खलाको पहिलो दिन अस्ट्रेलिया ८३ रनले पछाडि
मंसिर ७, २०८१ शुक्रबार
एक युवाको पहलमा सामुदायिक विद्यालयको शैक्षिक सुधार
संखुवासभा – मादी नगरपालिका चिराइतेका २७ वर्षीय सूर्य कार्की सामुदायिक विद्यालयको शैक्षिक सुधार अभियानमा लाग्नुभएको छ ।
उहाँले शैक्षिक सुधारमा गरेको योगदानका बारेमा जो कोहीलाई पनि पत्याउन मुश्किल पर्छ । भर्खरका कलिलो युवा, साधारण व्यक्तित्वका धनी सूर्य शिक्षा नै जीवनको सबैभन्दा महत्वपूर्ण अंग भएको बताउनुहुन्छ । शिक्षाबिना जीवन अन्धकार छ । सामुदायिक विद्यालयको शैक्षिक सुधार अभियान अन्तर्गत उहाँले हालसम्म २६ वटा विद्यालय निर्माण गरिसक्नु भएको छ ।
९ ओटा विद्यालय निर्माणको चरणमा पुगेको छ । सन् २०२५ सम्म १ सय ५० ओटा सामुदायिक विद्यालय निर्माण गर्ने उहाँको लक्ष्य छ ।
आफ्नो पढाईको अनुभवले विद्यालय सुधार गर्ने अभियान
सूर्यले गाउँकै प्राथमिक विद्यालयमा कक्षा ३ सम्म पढ्नुभयो । घरबाट दुई/तीन घण्टा लाग्थ्यो विद्यालय जान मात्रै । गरिबीको कारण घरमा के खाउँ, के लाउँको अवस्था थियो । तै पनि आमाले पिठ्यूँमा बोकेर विद्यालयसम्म पुर्याउनुहुन्थ्यो । प्रायः उहाँ कक्षाकोठाको अन्तिम बेञ्चमा बस्नुहुन्थ्यो । शिक्षक दायाँबायाँ भएको मौका छोपी झ्यालबाट सुटुक्क भागेर घर पुग्ने अनि बाख्रा चराउन जंगल जानुहुन्थ्यो । ‘पढ्न भन्दा बाख्रा चराउँदै, जंगलमा खेल्न रमाइलो लाग्थ्यो’ सूर्य भन्नुहुन्छ ‘सानो छँदा आमालाई खुब दुःख दिन्थे, पटक्कै नपढने मान्छे म ।’
बुबाले दोस्रो विवाह गरेपछि आमा, एक भाइ बहिनी गरी चारजनाको परिवार एक्ली आमाले हुर्काउनुभयो । भाइ पाँच वर्षको हुँदा मुटुको बिरामी भए । आमासँग उपचार गर्ने पैसा नभएकै कारण भाइ गुमाउनु परेको सूर्य बताउनु हुन्छ । उहाँ भन्नुहुन्छ, ‘त्यतिबेला त्यो उपचार गर्न १० हजार लाग्थ्यो रे, आमासँग त्यति पैसा थिएन, त्यसैले भाइ गुमाउनु पर्यो, त्यो दिन सम्झदा अझै दुःख लाग्छ ।’
पछि काकाको सहयोगमा सूर्यले काठमाडौंको बुढानिलकण्ठ स्कुलमा छात्रवृत्तिमा पढ्न सुरु गर्नुभयो । त्यहाँ कक्षा १२ सम्म विज्ञान संकाय पढेको सूर्य बताउनुहुन्छ । त्यसपछि छात्रवृत्तिमा भेनेजुयलामा दुई वर्ष कृषि व्यवस्थापन पढ्नुभयो ।
भेनेजुयलाबाट नेपाल फर्किएपछि अमेरिकाबाट फर्केका साथीहरुसँग मिलेर ‘प्राइभेट फ्रि स्कुल’ सञ्चालनको अवधारणा अघि सार्नुभयो । त्यसपछि कृषि र शिक्षालाई संयोजन गरेर फ्रि स्कुल उदयपुर, स्याङ्जा र तनहुँमा संचालन गरेको उहाँ बताउनु हुन्छ । ‘फ्रि स्कुलमा अभिभावकले महिनाको दुई पटक कृषि फार्ममा काम गर्नुपर्ने र छोराछोरीले छात्रवृत्तिमा अध्ययन गर्न पाउने अवधारणा ल्याएका थियाैँ । जुन अहिले पनि सञ्चालित छ’ सूर्यले भन्नुभयो ।
चार वर्षअघि अमेरिकाबाट फेरि पढाई सकेर फर्किएपछि उहाँलाई गाउँमा शिक्षा दिने रहर पलायो । युनाइटेड वल्र्ड स्कुलस् नेपाल नामक संस्थाको स्थापना गर्ने अवधारणा अघि बढ्यो ।
संस्था दर्ता गर्न धेरै गाह्रो भएको उहाँले बताउनुभयो । जन्मभूमि गाउँ फर्किएका सूर्यलाई तामाफोकका मामा खेमराज खड्काले गाउँको जीर्ण अवस्थामा रहेको सामुदायिक विद्यालयको बारेमा सुनाउनुभयो । गाउँले र विद्यालय ब्यबस्थापन समिति लगायत सबैसँग छलफल पछि आफुले दाता खोज्न थालेको सूर्यले बताउनुभयो । ‘गाउँका सबै सकारात्मक हुनुभयो, हातमा पैसा छैन, प्रपोजल मात्रै भएर हुँदैन, के गर्ने भनेर म तत्कालै काठमाडौ फर्किएँ । मैले अमेरिकामा रहेको सिटिसी फाउण्डेसन र यूनाइटेड कलेज यूकेका दाताहरुलाई एकसय ५० ओटा विद्यालयको प्रपोजल इमेल गरें । ३५ ओटाको गर्ने दाताले सहमति जनाए’ सूर्यले भन्नुभयो ।
सुविधा सम्पन्न भवन र नयाँ शिक्षण सिकाई
जगबाट नै बलियो नबनाए माथिल्लो स्तरमा गुणस्तरीय शिक्षा दिन सकिदैन भन्ने सोच राखेर युनाइटेड वर्ल्ड स्कुलस् नेपालकोे स्थापना भएको हो । यो संस्थाले सरकार, समुदायको सहकार्यमा दुई वर्ष अघिदेखि सामुदायिक विद्यालय निर्माण गर्दै आएको छ । जसमा सरकार र समुदायको सीमित लगानी रहेको छ ।
संस्थाले हालसम्म संखुवासभामा २१ र गुल्मीमा ५ वटा विद्यालय निर्माण गरी संचालनमा ल्याएको छ । समुदायको मागमा नयाँ विद्यालय पनि निर्माण भएका छन् भने पुरानै विद्यालयलाई नयाँ बनाइएको छ । ३० प्रतिशत समुदायको लागतमा अन्य दातृ निकायको सहयोग जुटाएर ५, ६, ७, ८, ९ कोठाको एक तले भूकम्परहित २५ लाखमा पक्की भवन बनाइएको छ । र सबै भन्दा महत्वपूर्ण कुरो हरेक विद्यालय भवन ३४ दिनमा निर्माण सम्पन्न गरेको सूर्यले बताउनुभयो ।
स्थानीय सरकारको सहकार्यमा बालमैत्री फर्निचर निर्माण गरेर रंगीन कक्षाकोठा बनिरहेका छन् । फराकिलो खेलमैदान, शैक्षिक सामग्रीको पूर्ण व्यवस्थापन, अंग्रेजी माध्यममा अध्ययन अध्यापन गराइने प्राथामिक तहको विद्यालयमा संस्थाले शैक्षिक र नेतृत्व विकास, शैक्षिक वातावरण निर्माणका निमित्त तालिम प्राप्त एक जना फेलोलाई एक विद्यालयमा खटाएको छ । संस्थामार्फत सामुदायिक विद्यालयमा काम भईरहेको थियो ।
संखुवासभा र गुल्मीमा बनेका सामुदायिक विद्यालय
संखुवासभाको विभिन्न नगरपालिका र गाउँपालिका भित्रका तामाफोक, मुडे, हुर्पा, कल्लेरी, सिद्धकाली, राम्बेनी, नुम, गुराँसे, हेलुवाबेसी, मझुवा, नागीडाँडा, उम्लिङ्ग, गुफा, होक्से, लेबराङ्ग, खराङ्ग, मूलखर्क र बागामा निर्माण सम्पन्न भईसकेको छ भने गुल्मीमा बडागाउँ, छापाहिले, वाग्ला र साउनेठाउँमा सामुदायिक विद्यालय निर्माण गरिएको छ ।
नेपाली माटोमा नै केही गर्ने इच्छा
सूर्यलाई विदेशमा रहँदा त्यहाँ पनि थुप्रै र राम्रा–राम्रा अवसर आएको थियो । तथापी नेपालकै माटोमा बसेर केही गर्ने विचार पलाएकै कारणले विदेश छाडेर नेपाल आएको उहाँको भनाई छ । ‘किसानलाई रोजगारी दिने कारखाना खोल्ने सोचमा छु । त्यसमा अलैँची, कफी र कागती खेती व्यवसायिक रुपमा गर्ने सोचमा छु ।
नवलपरासीमा तीनजनाको सहकार्यमा ५/६ महिनामा एउटा कृषि कारकाखाना बन्दैछ । त्यहाँ हाल २÷३ सय जनालाई रोजगारी दिन सकिन्छ । सन् २०२५ सम्ममा दैनिक ५ हजार जनालाई दैनिक रोजगारी उपलब्ध गराउने लक्ष्य राखेको छु’ उहाँ भन्नुहुन्छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
नवीन गुरुङ
संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।
1 Comments
समाचार
-
-
कम्बोडियामा एमालेका नेता जाँदा कुप्रचार गरियो : महासचिव पोखरेल
मंसिर ७, २०८१ शुक्रबार
-
अपराध गर्नेलाई सरकारले अनुहार हेर्दैन : प्रधानमन्त्री ओली
मंसिर ७, २०८१ शुक्रबार
-
चीनले फ्रान्स, जर्मनीलगायत २९ वटा देशका लागि एकपक्षीय भिसामुक्...
मंसिर ७, २०८१ शुक्रबार
-
स्वास्थ्य सेवा ऐन ल्याउने तयारी : स्वास्थ्य क्षेत्रका ५८ हजारभन्दा ...
मंसिर ७, २०८१ शुक्रबार
-
अस्ट्रेलियासँगकाे टेष्ट शृङ्खलाकाे पहिलो पारीमा भारत १ सय ५० ...
मंसिर ७, २०८१ शुक्रबार
-
२० वर्षमुनिको महिला साफ च्याम्पियनशिप बङ्गलादेशमा हुने
मंसिर ७, २०८१ शुक्रबार
-
इन्डियन प्रिमियर लिग(आईपीएल) आउँदो मार्च १४ मा शुरू हुने
मंसिर ७, २०८१ शुक्रबार
-
एमाले जागरण सभाको र्याली भद्रकालीबाट शुरु
मंसिर ७, २०८१ शुक्रबार
-
पाकिस्तानमा साम्प्रदायिक झडप बढ्यो, गुडिरहेका गाडीमा आक्रमण हु...
मंसिर ७, २०८१ शुक्रबार
-
लुम्बिनी सरकारले जटिल रोग लागेका बिरामीलाई दुई लाख रुपैयाँ...
मंसिर ७, २०८१ शुक्रबार
-
प्रधानमन्त्री ओली र भारतीय सेनाध्यक्ष द्विवेदीबीच भेटवार्ता हुँदै
मंसिर ७, २०८१ शुक्रबार
-
बैतडीमा महसुल नतिर्ने झण्डै छ सय ग्राहकको विद्युत लाइन काट्ने ...
मंसिर ७, २०८१ शुक्रबार
-
सार्वभौम क्रेडिट रेटिङको नतिजाले सरकार, निजी क्षेत्र र लगानीक...
मंसिर ७, २०८१ शुक्रबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
चन्द्रकान्त पाठक
Sept. 13, 2018, 1:43 p.m.उहालाई धेरै धेरै धन्यवाद छ !!! छात्रवृत्तिमा अध्ययन गरि स्वदेशकै सेवा गर्नुप्र्छ भन्ने उहाको भावना र त्यो काम गराइको लगाव प्रती म प्रशन्न भए उहाको कार्यक्रम हाम्रो जिल्लामा पनि लागू गर्न पाए राम्रो हुनेथियो !!