७ दिनभित्र बक्याैता तिर्न एअरलाइन्सलाई ताकेता, नतिरे विदेश भ्रमणदेखि बैंक खातासम्म रोक्का हुने

चैत ६, २०७८ आइतबार १९:२५:१३ | रासस

काठमाण्डाै – पटकपटक ताकेता गर्दा पनि केही एअरलाइन्सले बक्यौता रकम नतिरेपछि नियामक नेपाल नागरिक उड्डयन प्राधिकरण (क्यान) ले कारबाही गर्ने भएको छ । प्राधिकरणले अहिले सञ्चालनमा नरहेका तर बाँकी बक्यौता नतिर्ने विभिन्न सात एअरलाइन्सलाई कारबाहीको तयारी गरेको हो । ती एअरलाइन्सलाई सात दिनभित्र बक्यौता रकम बुझाउन प्राधिकरणले आज आइतवार सार्वजनिक सूचना निकालेर ताकेता गरेको छ ।

बक्यौता रकम नबुझाउने एअरलाइन्सलाई कानुनी दायरामा ल्याइने प्राधिकरणले जनाएको छ । प्राधिकरणका महानिर्देशक इन्जिनियर प्रदीप अधिकारीले सात दिनभित्र एअरलाइन्सले बक्यौता रकम नबुझाए कारबाही गरिने बताउनुभयो । महानिर्देशक अधिकारीले भन्नुभयो, ‘यो सूचनापछि तुरुतै प्रवेशाज्ञा रोक्का हुन्छ । विदेश भ्रमण र नेपालभरका बैंक खाता रोक्का गरिनेछ ।’

बक्यौता नतिर्ने एअरलाइन्स कम्पनीमा नेकोन एअर, शिवानी एअर, गोरखा एअर, माउन्टेन एअर, कस्मिक एअर, स्काइलाइन एअरवेज र एअर काष्ठमण्डप रहेका छन् । यीमध्ये नेकोन एयअरको चार करोड ७२ लाख २५ हजार तीन सय ४३, शिवानी एअरकाे ५५ लाख ५१ हजार ५३, गोरखा एअरको २० लाख ३५ हजार २९ रुपैयाँ बक्याैता रहेको छ ।
यस्तै कस्मिक एअरले तीन करोड ४७ लाख ५८ हजार ७०, स्काइलाइन एअरवेजले सात लाख ८० हजार चार सय, एअर काष्ठमण्डपले सात लाख ३८ हजार चार सय ४७ र माउन्टेन एअरले ६ लाख १० हजार आठ सय ३४ रुपैयाँ बक्यौता बुझाउन बाँकी छ ।

प्राधिकरणका अनुसार ताकेतापछि कर्णाली एअरले बक्यौता तिरेको छ । बक्यौता नतिर्ने अन्य एअरलाइन्सलाई कारबाही गरिने प्राधिकरणले जनाएको छ । प्राधिकरणको बक्यौता नतिरेमा सरकारी बाँकी सरह असुल उपर गर्ने कानुनअनुसार सञ्चालकको जायजेथाबाट असुल उपर हुन सक्ने प्रावधान रहेको छ । विमानस्थल सेवा शुल्क नियमावलीअनुसार ती सञ्चालक तथा कम्पनीले भविष्यमा हवाई सेवा, विमानस्थल तथा प्राधिकरणसँग सम्बन्धित कुनै पनि प्रकारको सेवा लिन नपाउने जनाइएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्