मतगणना नसकिँदासम्म सुत्नु हुँदैन, आँखा झिमिक्क गर्नु हुँदैन, मतपत्र च्यात्न सक्छन् : ओली

वैशाख २६, २०७९ सोमबार १७:४६:४१ | सागर राज तिमिल्सिना

कास्की – नेकपा एमालेका अध्यक्ष केपी शर्मा ओलीले सत्ता गठबन्धनले चुनाव नजित्ने अवस्था आए मतपत्र च्यात्न सक्ने आराेप लगाउनुभएकाे छ ।

नेकपा एमाले पाेखरा नगर कमिटीले आज साेमवार आयाेजना गरेकाे चुनावी सभालाई सम्बाेधन गर्दै अध्यक्ष ओलीले भन्नुभयाे, ‘गठबन्धनले भोटले जित्ने होइन । अघिल्लो पल्ट भरतपुरमा हामीले देखेका छौँ । हारेपछि मतपत्र च्यात्ने, चपाउने, निल्ने गर्छन्’, उहाँले भन्नुभयाे, ‘त्यसैले हामी मतदान दिनदेखि मतगणना नसकिँदासम्म नसुती बस्नु पर्दछ, आँखा झिमिक्क पनि गर्नु हुँदैन ।’ गठबन्धन भोटले नभइ धाँधली र मतपत्र च्यातेर नतिजा आफ्नो पक्षमा पार्ने उहाँको आरोप छ ।

कार्यक्रममा अध्यक्ष ओलीले सत्तारूढ गठबन्धन झाडीमा जन्मिएको टिप्पणीसमेत गर्नुभयाे । उहाँले गठबन्धनका नेताहरू आफ्नालाई भोट नदिए देश दुर्घटनामा पार्ने धम्की दिँदै हिँडेको भन्दै कांग्रेसको बेहाल भइरहेको बताउनुभयाे ।

सभालाई उपमहासचिव पृथ्वीसुब्बा गुरुङ, सङ्गठन विभाग प्रमुख खगराज अधिकारी, सांसद विद्या भट्टराई, पोखराका मेयरका उम्मेदवार कृष्ण थापा, उपमेयरकी उम्मेदवार मन्जुदेवी गुरुङ लगायतले सम्बोधन गरेका थिए ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्