झापा - झापाको गौरादह नगरपालिकामा एमालेले मेयर र उपमेयर दुवै पद जितेको छ । 

१२ हजार ८ सय ४९ मत प्राप्त गर्दै मेयर पदमा एमालेका उम्मेदवार छत्रपति सुवेदी निर्वाचित हुनुभयो । उहाँले नेपाली कांग्रेसका तर्फबाट उम्मेदवार बन्नुभएका रोहित कुमार साहलाई पराजित गर्नुभयो। साहले ११ हजार ४ सय ४८ मत प्राप्त गर्नुभयो । शाह यसअघि यही नगरको नगर मेयर पदमा निर्वाचित हुनुहुन्थ्यो । 

उपमेयरमा पनि एमालेका उम्मेदवार जलवर्षा राजवंशी विजयी हुनुभएको छ । राजवंशीले ११ हजार ९ सय १४ मत प्राप्त गर्नुभयो । उहाँले नेपाल कम्युनिस्ट पार्टी माओवादी केन्द्रका उम्मेदवार पुष्पलाल ढकाललाई पराजित गर्नुभयो । ढकालले १० हजार ३ सय ४८ मत प्राप्त गर्नुभएको छ । 

गौरादह नगरपालिकामा कांग्रेसले माओवादीलगायतका दलसँग गठबन्धन गरेको थियो ।