चितवनमा जङ्गली जनावरकाे आक्रमणबाट एक वर्षमा २२ जनाको ज्यान गयाे

जेठ २२, २०७९ आइतबार १६:३१:५८ | रासस

चितवन – चितवन राष्ट्रिय निकुञ्ज र आसपासका मध्यवर्ती क्षेत्रमा घाँस दाउरा गर्न तथा वस्तु चराउन गएका २२ जनाको जङ्गली जनावरको आक्रमणबाट ज्यान गएको छ ।

चालु आर्थिक वर्षमा निकुञ्ज सुरक्षामा खटिँदा, घाँस दाउरा गर्न जाँदा, पूजा गर्न जाँदा, पर्व मनाएर घर फर्कँदै गर्दा जङ्गली जनावरको आक्रमणमा परि विभिन्न समयमा उनीहरूको ज्यान गएको हो ।

निकुञ्जका सूचना अधिकारी गणेशप्रसाद तिवारीका अनुसार चालु आर्थिक वर्षमा सबैभन्दा बढी बाघको आक्रमणबाट मानवीय क्षति भएको छ । बाघको आक्रमणबाट १३ जनाको ज्यान गएकाे छ । यस्तै गैँडाको आक्रमणबाट ६ र जङ्गली हात्तीको आक्रमणबाट तीन जनाको ज्यान गएको उहाँले जानकारी दिनुभयो ।

गएकाे आर्थिक वर्षमा जङ्गली जनावरको आक्रमणबाट १२ जनाको ज्यान गएकाे थियो । त्यसमध्ये गैँडाको आक्रमणबाट चार, बाघको आक्रमणबाट चार, जङ्गली हात्तीको आक्रमणमा दुई, गौरी गाईको आक्रमणबाट एक र बँदेलको आक्रमणबाट एक जनाको ज्यान गएको निकुञ्जको तथ्याङ्कमा उल्लेख छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चितवनमा जङ्गली जनावरकाे आक्रमणबाट एक वर्षमा २२ जनाको ज्यान गयाे

फाइल फाेटाे

तपाईको प्रतिक्रिया