साउदीमा दिउँसोको समयमा श्रमिकलाई बाहिर घाममा काम लगाउन नपाइने

जेठ ३१, २०७९ मंगलबार १०:४५:४ | उज्यालो सहकर्मी

काठमाण्डौ – अत्याधिक गर्मी बढेपछि साउदीले दिउँसोको समयमा खुला क्षेत्रमा काम लगाउन प्रतिबन्ध लगाएको छ ।

साउदीको मानव संसाधन तथा सामाजिक विकास मन्त्रालयले भोलि अर्थात् १५ जुन देखि आउँदो सेप्टेम्बर १५ सम्म दिउँसोको १२ बजेदेखि ३ बजेसम्म कुनै पनि रोजगारदाताले श्रमिकलाई बाहिर घाममा गर्नु पर्ने काम लगाउन नपाउने जनाएको छ ।

प्रतिबन्ध लगाएको समयमा घाममा बाहिर काम लगाएमा रोजगारदातालाई कारबाही हुने छ । मन्त्रालयको यो निर्देशन विपरीत कुनै पनि रोजगारदाताले आफूलाई बाहिर घाममा काम गर्न बाध्य पारिएमा मन्त्रालयमा १९९११ नम्बरमा सम्पर्क गरेर गुनासो टिपाउन सक्ने व्यवस्था समेत गरिएको छ ।

यस्तै, पछिल्लो समय कुनै पनि गल्ती नगर्दा पनि कम्पनीका सुपरभाइजर तथा क्याम्प बोस र अन्य व्यक्तिले कुटपिट गर्ने गरेको गुनासो बढेको भन्दै साउदीमा रहेको नेपाली दूतावासले कसैले कुटपिट वा अन्य प्रकारका शारीरिक हिंसा गरेमा तुरुन्तै साउदी प्रहरीलाई ९११ नम्बर फोन गर्न समेत आग्रह गरेको छ ।

कुटपिट र शारीरिक हिंसा बाहेक कम्पनी वा रोजगारदातासँग कुनै पनि प्रकारको समस्या र गुनासो छ भने साउदीको श्रम मन्त्रालयको टोली फ्री नम्बर १९९११ नम्बरमा फोन गरेर आफ्नो समस्या तथा गुनासो राख्न सकिन्छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्