महोत्तरीमा जीपले टेम्पोलाई ठक्कर दिँदा एक जनाको ज्यान गयाे, ६ जना घाइते

जेठ ३१, २०७९ मंगलबार ११:१३:२३ | रासस

महोत्तरी - महोत्तरीको बर्दिबास नगरपालिका–३ मा गए राति टेम्पोलाई जीपले ठक्कर दिँदा एक जनाको ज्यान गएको छ भने छ जना घाइते भएका छन् ।

जीपकाे ठक्करबाट बर्दिबास नगरपालिका–३ की २६ वर्षीया कुन्ता ढुङ्गेलकाे ज्यान गएकाे जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश विष्टले जानकारी दिनुभयो ।

घाइते ढुङ्गेलको जनकपुरमा रहेकाे काव्या अस्पतालमा उपचारका क्रममा आज बिहान ज्यान गएकाे प्रहरीले जनाएको छ ।

दुर्घटनामा परेर टेम्पो चालक बर्दिबास नगरपालिका–३ का ४५ वर्षीय ओमबहादुर लुङ्गेली, ४२ वर्षीय यादवकुमार ढुङ्गेल, २९ वर्षीया पवित्रा आचार्य, आठ वर्षीया करिष्मा ढुङ्गेल, सिन्धुली जिल्ला दुधौली नपा–२ का ३५ वर्षीय पुरुषोत्तम चालिसे र ३९ वर्षीया पवित्रा चालिसे घाइते भएका छन् । उनीहरुको उपचार बर्दिबासकाे जनसेवा अस्पतालमा भइरहेको छ ।

गएराति बर्दिबास नगरपालिका–३ मा रहेकाे स्मृतिपार्क नजिकैबाट पाटुतर्फ जाँदै गरेको ज १ ह ३५०१ नम्बरको टेम्पोलाई विपरीत दिशाबाट आउँदै गरकोे नम्बर नखुलेको जीपले ठक्कर दिँदा दुर्घटना भएको थियो।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्