अनलाइनमार्फत श्रम स्वीकृति लिँदा श्रमिकलाई भएका समस्या सुन्न छुट्टै कक्षको व्यवस्था

असार २, २०७९ बिहीबार १५:३२:४९ | उज्यालो सहकर्मी

काठमाण्डौ – तपाईँलाई अनलाइनमार्फत श्रम स्वीकृति लिन कुनै समस्या तथा अप्ठेरो भएको छ ? यदि छ भने फोन गरेर आफ्नो समस्या तथा गुनासो टिपाउन वैदेशिक रोजगार कार्यालयले अनुरोध गरेको छ ।

पछिल्लो समय सबै खालका श्रम स्वीकृति(व्यक्तिगत, पुनः श्रम स्वीकृति, संस्थागत) अनलाइनबाट मात्र लिन मिल्छ । अनलाइनमार्फत नै सबै प्रक्रिया गर्नु पर्ने र श्रम स्टिकर समेत आफैँले अनलाइनबाटै प्रिन्ट गर्न मिल्छ ।

यसरी अनलाइनमार्फत सबै प्रक्रिया गर्दा श्रमिकलाई पर्ने समस्या वा गुनासो सुन्नका लागि वैदेशिक रोजगार कार्यालय काठमाण्डौले गुनासो सुनुवाइ कक्षको समेत व्यवस्थापन गरेको छ । कार्यालयमा ०१–५३००६६७ नम्बरमा फोन गरेर आफूलाई परेको समस्या तथा गुनासो राख्न सकिन्छ ।

श्रमिकबाट प्राप्त गुनासो तथा समस्यालाई सम्बन्धित शाखामा राखी त्यसको समाधानमा सहयोग गरिने वैदेशिक रोजगार कार्यालय काठमाण्डौले जनाएको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्