बामदेवका लागि जुन सिट खाली गरे पनि हुन्छ, जित्ने कांग्रेसले नै हो : प्रवक्ता शर्मा

असोज ६, २०७५ शनिबार ९:५१:१३ | गोविन्द शर्मा

बाँके – नेपाली कांग्रेसका प्रवक्ता विश्वप्रकाश शर्माले नेकपाले कुनै सिट खाली गराएर नेता बामदेव गौतमलाई प्रतिनिधिसभाको उम्मेदवार बनाएमा वर्तमान सरकारको जनमतको परीक्षण हुने बताउनुभएको छ ।

नेपाल प्रेस युनियन बाँकेले शनिबार नेपालगञ्जमा आयोजना गरेको पत्रकार भेटघाटमा प्रवक्ता शर्माले गौतमका लागि नेकपाले जुन सिट खाली गराए पनि नेपाली कांग्रेस विजयी हुने दावी गर्नुभयो ।

गौतमका लागि यो वा त्यो निर्वाचन क्षेत्रको विषयमा हल्ला गर्नुभन्दा छिटो निर्वाचन क्षेत्र खाली गराएमा आफूहरुलाई निर्वाचनको तयारी गर्न सहज हुने शर्माले बताउनुभयो ।

उहाँले गठन भएको ६ महिना मात्रै भएकाले वर्तमान सरकारको कामको आलोचना गर्ने समय भइनसकेको बताउनुभयो ।

प्रवक्ता शर्माले आर्थिक विकास र समृद्धिमा सरकारको अहिले नै आलोचना गर्ने समय नभएको भए पनि शान्ति सुरक्षाको सन्दर्भमा भने सरकार कमजोर देखिएको टिप्पणी गर्नुभयो । दुई तिहाईको साथले प्रधानमन्त्री बलियो नहुने भन्दै कार्यक्षमताले मात्रै प्रधानमन्त्रीलाई बलियो बनाउने उहाँको भनाई छ ।

सरकारले अहिलेसम्मको कामकारबाहीको मुल्यांकन गर्दै सच्चिएर अघि बढ्नु पर्नेमा प्रवक्ता शर्माले जोड दिनुभयो ।

संविधान खतरामा नपरोस् भन्दै शर्माले संविधान जारी गर्ने समयका सहयात्री दलबीच सहकार्य आवश्यक भएकोमा जोड दिनुभयो । अहिले पनि प्रदेशको नामाकरण नभएको, राजधानीका विषयमा प्रवेश नभएको भन्दै उहाँले संविधानको कार्यान्वयन र पालनामा सरकार कमजोर देखिएको बताउनुभयो ।

प्रदेशको नामाकरण र राजधानीका विषयमा प्रदेश सरकारले सहजीकरण गर्नुपर्ने उहाँको भनाई छ । उहाँले करको विषयमा स्थानीय तहलाई दोष देखाएर सङ्घीयता प्रति नै नकारात्मक धारणा बनाउन मद्दत गर्नु भन्दा पनि संविधान अनुसारको प्राकृतिक श्रोत तथा वित्त आयोग गठन गर्न सुझाव दिनुभयो । उहाँले समयानुसार पार्टीमा रुपान्तरण आवश्यक भएको बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

1 Comments

Kamal luitel
Sept. 22, 2018, 10:13 a.m.
A loser said to the winner, " I would have won the election if you and your party had not done good for the welfare of Nepalese people." कति हाँस्नु ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बामदेवका लागि जुन सिट खाली गरे पनि हुन्छ, जित्ने कांग्रेसले नै हो : प्रवक्ता शर्मा

1 Comments

Kamal luitel

तपाईको प्रतिक्रिया

तपाईको प्रतिक्रिया