पोखराको नीति तथा कार्यक्रम : ६ महिनामा ३ हजार जनालाई रोजगारी, २ वर्षमा तार भूमिगत गरिने (पूर्ण पाठ)

असार ८, २०७९ बुधबार १८:५३:२५ | सागर राज तिमिल्सिना

कास्की – आउँदाे आर्थिक वर्षको पहिलो ६ महिनामा पोखरा महानगरपालिकाले तीन हजार जनालाई रोजगारी दिने घोषणा गरेको छ । पोखरा महानगरपालिकाका मेयर धनराज आचार्यले आज बुधवार आउँदाे आर्थिक वर्षको नीति तथा कार्यक्रम प्रस्तुत गर्दै ६ महिनामा तीन हजार जनालाई रोजगारी दिने बताउनुभएकाे हाे ।

रोजगारीका लागि स्नातक अध्ययन सकेर बसेका युवालाई लक्षित गरेर तालिम सञ्चालन गर्ने आचार्यकाे भनाइ छ । महानगरमा रोजगारी थप गर्न भाषा, होटल म्यानेजमेन्ट, मोबाइल मर्मत, कृषि स्रोत व्यक्ति, जडीबुटी सङ्कलन, ब्युटिसियन, प्लम्बिङ, इलेक्ट्रिसियन, भेटेनरी, इम्ब्रोइडरी, ह्यान्डलुम, ग्राफिक्स डिजाइन, वेबपेज डिजाइन, भिडियो इडिटिङ, वेटर आदिजस्ता सीप तथा तालिम दिइने नीति तथा कार्यक्रममा उल्लेख छ ।

त्यसैगरी ४० वर्षमाथिका सबै नागरिकको निःशुल्क स्वास्थ्य परीक्षण गर्ने, लेकसाइडमा रहेको हिमा गृह र रत्न मन्दिरलाई व्यावसायिक रूपमा खुला गर्न पहल गर्ने कार्यक्रम रहेको छ । पोखरालाई पर्यटनको राजधानी घोषणा गर्न यसअघि नै निर्णय गरिएको भन्दै थप पहल गर्ने मेयर आचार्यले बताउनुभयाे ।

बारीदेखी बजार सम्म : गोठदेखि ओठसम्म, पर्यटनका थप गन्तव्य केभ टु केभ, लेक टु लेक, कोटदेखि कोटसम्मका नयाँ सर्किटको सडक सम्भाव्यता अध्ययन गर्ने जस्ता कार्यक्रम पनि रहेका छन् ।

त्यसै गरी पोखराको पृथ्वी चोकमा अन्डरपास र फ्लाई ओभरको सम्भाव्यता अध्ययन गर्ने, पोखरा चक्रपथ निर्माणका लागि अध्ययन गरिने, सार्वजनिक पार्किङ स्थलको उचित व्यवस्थापन गरिने, आउँदाे दुई वर्षभित्र टेलिफोनका तार र अन्य तार हटाइ भूमिगत गरिने पनि नीति तथा कार्याक्रममा समेटिएकाे छ ।

नीति तथा कार्यक्रमकाे पूर्ण पाठ–

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सागर राज तिमिल्सिना

कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्