बलात्कार र हिंसाबाट बच्न महिलालाई आत्मरक्षाको सीप सिकाइने

असोज ६, २०७५ शनिबार १६:५९:२७ | निर्मला खडायत

कैलाली – दिनहु बलात्कार र महिला हिंसाका घटना बढ्न थालेको भन्दै राष्ट्रिय गोजुरियो कराते दो संघ नेपालले महिलाहरुका लागि आत्मरक्षा सम्बन्धी निःशुल्क शिविरको आयोजना गर्नेभएको छ ।

राष्ट्रिय गोजुरियो कराते दो संघ नेपालको आयोजनामा असोज २० गतेदेखि धनगढीमा आत्मरक्षा शिविरको आयोेजना हुने भएको हो । त्यस शिविरले केही हदसम्म भए पनि महिला हिंसाका घटनामा न्यूनिकरण हुने आयोजकले विश्वास लिएको छ ।

महिलाको क्षेत्रमा काम गर्दै आइरहेको आरेक नेपाल, कमैया प्रथा उन्मुलन समाज, युवा शान्ति परिषद्, क्रियाशील महिला पत्रकार समूहको सहयोगमा आत्मरक्षा सम्बन्धी शिविरको आयोजना गर्न लागिएको राष्ट्रिय गोजुरियो कराते दो सङ्घले जनाएको छ ।

सङ्घका महासचिव प्रकाश चन्दले महिलामाथि हुने हिंसा, बलात्कारलगायतका घटना न्यूनिकरणकमा शिविरले सहयोग पुग्ने अपेक्षा गरिएको बताउनुभयो । उहाँले शिविरमा लड्न हैन, किक र पञ्चका माध्यमबाट आत्मरक्षा गर्न सिकाउने बताउनुभयो ।

असोज २० गतेबाट महिलारुका लागि आत्मरक्षा सम्बन्धी सात दिने शिविरमा प्रदेश ७ का एक हजार महिलाको सहभागिता रहने छ । सहभागी एक हजार महिलाबाट उत्कृष्ट एक सय जनालाई प्रशिक्षकको रूपमा छनौट गरिने र उनीहरूले सम्बन्धित स्थानीय तहको सहकार्यमा प्रत्येक स्थानीय तहमा शिविर सञ्चालन गर्नेछन् ।

महिलाको क्षेत्रमा काम गर्दै आइरहेको आरेक नेपालका संयोजक बिनु रानाले यसलाई अन्य प्रदेश र प्रत्येक स्थानीय तहमा पनि सञ्चालन गरिने बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्