साउदीमा समस्यामा परेकालाई नेपाल फर्काउने भन्दै ठग्नेहरू बढ्दो

असार १६, २०७९ बिहीबार ११:१२:९ | उज्यालो सहकर्मी

काठमाण्डौ – साउदीमा समस्यामा परेकाहरूलाई नेपाल पठाउन एक्जिट भिसा लगाइदिन्छु वा सेटिङमा नेपाल पठाउँछु भन्दै ठगी गर्नेहरु बढेपछि दूतावासले सचेत गराएको छ ।

साउदीबाट नेपाल फर्किन एक्जिट भिसा प्रोसेसिङ निःशुल्क हुन्छ । एक्जिट भिसाको प्रक्रिया गर्न कति पनि शुल्क कतै पनि तिर्न पर्दैन । तर यदि कोही व्यक्तिले एक्जिट भिसा मिलाई दिन्छु, दूतावासमा मैले चिनेको मानिस छन् भन्दै पैसा मागेमा त्यस्ता मानिसको पछि नलाग्न साउदीमा रहेको नेपाली दूतावासले अनुरोध गरेको छ ।

यसका साथै साउदीमा समस्यामा परेकाहरूलाई सेटिङमा नेपाल पठाइदिन्छु मैले साउदीका प्रहरी र अन्य मानिसहरू चिनेको छ भन्दै आश्वासन देखाउने क्रम बढेको भन्दै दूतावासले त्यस्ता मानिसको पछि नलाग्न सुझाव दिएको छ ।

दूतावासका अनुसार यस्ता कुराहरूको पछि लाग्छ ठगीमा परिन्छ । त्यसैले यदि कोही कसैले यस्ता आश्वासन दिएमा साउदी प्रहरीलाई ९११ नम्बरमा फोन गरी आफू पनि ठगीबाट बच्न र अरूलाई पनि बचाउन दूतावासले सबैलाई अनुरोध गरेको छ ।

साउदीमा रहेको नेपाली दूतावास र महावाणिज्यदूतावासले एक्जिट भिसा प्रोसेसिङ गरिदिन्छ । एक्जिट भिसाको प्रोसेसिङ दूतावासले निःशुल्क गरिदिन्छ । तर एक्जिट भिसा लागिसकेपछि नेपाल फर्कंने हवाइ टिकट भने व्यक्ति आफैले व्यवस्था गर्न पर्छ ।

तर दूतावासले एक्जिट भिसा सबैले भन्दैमा गर्दैन । इकामाको म्याद सकिएको ३ महिनाभन्दा बढी भइसकेको छ भने वा साउदी गएको ३ महिनाभन्दा बढी समयसम्म पनि कम्पनीले इकामा नबनाइदिएमा र कम्पनीले हुरुब लगाइदिएको अवस्थाका दूतावासले एक्जिट भिसाको प्रक्रिया अघि बढाइदिन्छ । इकामाको म्याद भएकाहरूको एक्जिट भिसाको प्रक्रिया दूतावासले गर्न मिल्दैन ।

जुन ठाउँबाट आफ्नो इकाममा बनेको हो त्यही ठाउँको श्रम कार्यालय र अध्यागमन कार्यालयमा मात्र एक्जिट भिसाको लागि प्रोसेसिङ गर्नुपर्ने साउदी सरकारको नियम छ ।

त्यसैले एक्जिट भिसा प्रोसेसिङको लागि दूतावास जानुभन्दा पहिले आफ्नो इकामा कहाँबाट बनेको हो अनिवार्य रूपमा यकिन गर्नुपर्छ ।

रियादबाट इकामा बनेकाहरू मात्रै एक्जिट भिसा प्रोसेसिङको लागि रियादमा रहेको दूतावासमा जाँदा हुन्छ । रियाद भन्दा बाहिरबाट इकामा बनेकाहरूले एक्जिट भिसा प्रोसेसिङका बारेमा फोनबाटै जानकारी लिन दूतावासले भनेको छ ।

एक्जिट भिसा प्रोसेसिङका बारेमा बुझ्न ०५०००२१४०९ वा ०५४७०४५२७२ मा दूतावासमा सम्पर्क गर्न सकिन्छ ।

अन्तिम अपडेट: माघ १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्