तेह्रथुममा ग्यासको मनपरी मूल्य

असोज ८, २०७५ सोमबार १९:०:११ | प्रकाश धौलाकोटी

तेह्रथुम – तेह्रथुमका बजारहरुमा खाना पकाउने एलपी ग्यासको मूल्य मनपरी भएको गुनासो बढेपछि प्रशासनले चासो देखाएको छ ।

जिल्ला प्रशासन कार्यालयले सोमबार ग्यास व्यवसायीहरुसँग छलफल गरी एउटै मूल्य कायम गरी कारोबार गर्न आग्रह गरेको हो । व्यवसायीहरुलाई उपभोक्ताको अधिकार समेतलाई ध्यानमा राखेर मूल्य निर्धारण गरी कारोबार गर्न आग्रह गरेको प्रमुख जिल्ला अधिकारी लक्ष्मीदेवी होमागाईले बताउनुभयो ।

प्रमुख जिल्ला अधिकारी होमागाईले जथाभावी मूल्य नतोक्न व्यवसायीलाई ध्यानाकर्षण गराएको बताउनुभयो । चाडपर्वको मुखमा खाना पकाउने ग्यासको कारोबार बढेसँगै बजारमा ग्यासको मूल्य मनपरी निर्धारण भएको उपभोक्ताको गुनासो रहेको छ । ग्यासको ढुवानीको कारण देखाउँदै व्यवसायीहरुबीचमा अस्वस्थ प्रतिस्पर्धा देखिएको छ । तेह्रथुमका बजारहरुमा प्रिमा, सुविधा, कोशी र कन्काई कम्पनीका ग्यास उपलब्ध रहेका छन् ।

तर म्याङलुङ बजारमै ग्यासको फरक–फरक मूल्य रहेको छ । जिल्लाका लसुने, जिरिखिम्ती र म्याङलुङबजारमा ग्यासको फरक–फरक मूल्यमा कारोबार भइरहेको पाइएको छ । खाना पकाउने ग्यासको मूल्य सरकारले प्रतिसिलिण्डर १३ सय ४५ रुपैयाँ तोकेको छ । तर तेह्रथुमका बजारहरुमा भने ढुवानीको कारण देखाउँदै व्यवसायीले प्रतिसिलिण्डर १५ सय २५ रुपैयाँदेखि १६ सय रुपैयाँसम्म लिँदै आएका छन् ।

जथाभावी बजार मूल्यका कारण दुःख पाएको उपभोक्ताको गुनासो रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्