जनकपुर अस्पतालका दुई चिकित्सकले दोषी उम्काउन बालिका बलात्कारको गलत रिपोर्ट दिएपछि ...

असोज ९, २०७५ मंगलबार १७:४५:२८ | शैलेन्द्र महतो

धनुषा – बलात्कारीलाई उन्मुक्ति दिन गलत रिपोर्ट तयार गर्ने जनकपुर अञ्चल अस्पतालका दुईजना चिकित्सकलाई कारबाहीको लागि सिफारिस गरिएको छ ।

बलात्कृत १२ वर्षीया बालिकाको स्वास्थ्य परीक्षणको गलत रिपोर्ट तयार गर्ने जनकपुर अञ्चल अस्पतालका चिकित्सक डा.रम्भा गोइत र डा.भीके सिंहलाई कारबाहीको लागि सिफारिस गरिएको हो ।

सरकारी वकिलको कार्यालय धनुषाले दुवै डाक्टरलाई कारबाही गर्न स्वास्थ्य मन्त्रालय, नेपाल मेडिकल काउन्सिल, गृह मन्त्रालय, महान्यायाधिवक्ताको कार्यालय र प्रहरी प्रधान कार्यालयलाई पत्र पठाएर कारबाहीको माग गरेको हो ।

आमाको मृत्यु भएको र बुवा रोजगारीका लागि भारत गएपछि काकीको घरमा भाइसँगै बस्दै आएकी १२ वर्षीया बालिकालाई गएको भदौ ८ गते राति साढे १० बजे घरमा सुतिरहेको बेला छिमेक जनकनन्दनी गाउँपालिका २ का २३ वर्षीय किरण खत्वेले बलात्कार गरेको पीडित परिवारको आरोप छ ।

बलात्कारको घटनापछि बालिकालाई स्वास्थ्य परीक्षणको लागि इलाका प्रहरी कार्यालय खजुरीले भदौ ९ गते जनकपुर अञ्चल अस्पताल पुर्याएको थियो । अञ्चल अस्पतालले ११ दिनपछि दिएको त्यो रिपोर्टमा स्वास्थ्य परीक्षणमा संलग्न चिकित्सकद्वय डा. रम्भा गोइत र डा. भीके सिंहले बालिकालाई स्वास्थ्य परीक्षणमा ‘भेजाइना नर्मल’ (यौनाङ्गमा क्षति नपुगेको) र ‘ह्युमेन नर्मल’ उल्लेख गरेको रिपोर्ट दिएको थियो ।

इलाका प्रहरी कार्यालय खजुरीका प्रहरी निरीक्षक शेषराज थान्दारका अनुसार अञ्चल अस्पतालको त्यो रिपोर्टमाथि चित्त नबुझेपछि गएको भदौ २५ गते जिल्ला अस्पताल सिरहामा बालिकाको पुनः स्वास्थ्य परीक्षण गराएको थियो । सिरहा जिल्ला अस्पतालका डा. राकेशकुमार सिंहले गरेको स्वास्थ्य जाँचमा पीडित बालिकाको गाला र ओठमा ‘बाइट मार्क’(गाला र ओठ टोकिएको), ‘भेजाइना कन्जेसन’(योनीमा चोट) र ‘हाइमेन रप्चर्ड’(योनिको झिल्ली च्यातिएको) देखाएको रिपोर्ट दिएका छन् ।

सिरहा अस्पतालले बालिका बलात्कार भएको रिपोर्ट दिएपछि जनकपुर अञ्चल अस्पतालमाथि प्रश्नचिन्ह खडा भएको छ । बलात्कारको घटनापश्चात भारत भागेका आरोपित खत्वे पैसा लिन घर फर्केको बेला प्रहरीले भदौ ९ गते नै उनलाई पक्राउ गरेको थियो ।

अभियुक्त खत्वेले प्रहरीसँगको बयानमा आफ्नो अपराध समेत स्वीकार गरिसकेको प्रहरी निरीक्षक थानदारले बताउनुभयो । बालिका बलात्कार भएको पुष्टि गरेको अस्पताल सिरहा र बलात्कार नभएको पुष्टि गरेको अञ्चल अस्पतालको स्वास्थ्य परीक्षण रिपोर्ट र अभियुक्तले स्वीकारेको बयानको भिडियोसहित सरकारी वकिल कार्यालयमार्फत इलाका प्रहरी खजुरीले जिल्ला अदालत धनुषामा गएको असोज ४ गते मुद्दा समेत दायर गरेको छ ।

सरकारी वकिलको कार्यालयले अभियुक्त खत्वेसहित स्वास्थ्य रिपोर्टमा छेडखानी गर्ने चिकित्सकलाई समेत कारबाहीको माग गर्दै जिल्ला अदालत धनुषामा असोज ४ गते मुद्दा दर्ता गराएको छ ।

सरकारी वकिलको कार्यालयले यी दुवै स्वास्थ्य रिपोर्टको प्रतिलिपि र अभियुक्तको बयानको भिडियो टेपसहित गलत रिपोर्ट दिने जनकपुर अञ्चल अस्पतालका दुवै चिकित्सकलाई कारबाही गर्न स्वास्थ्य मन्त्रालय, गृह मन्त्रालय, नेपाल मेडिकल काउन्सिल, महान्यायाधिवक्ता कार्यालय र प्रहरी प्रधान कार्यालयलाई पत्र पठाएर कारबाहीको माग गरेको जिल्ला सरकारी वकिल कार्यालय धनुषाका जिल्ला न्यायाधिवक्ता टेक बहादुर काकीले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

1 Comments

Madhu Ghimire MBBS(Del). MRCP (UK), FRCP (E)
Sept. 26, 2018, 6:23 p.m.
Maximum possible punishment with seizure of the licence to practice medicine by the NMC
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जनकपुर अस्पतालका दुई चिकित्सकले दोषी उम्काउन बालिका बलात्कारको गलत रिपोर्ट दिएपछि ...

1 Comments

Madhu Ghimire MBBS(Del). MRCP (UK), FRCP (E)

तपाईको प्रतिक्रिया

तपाईको प्रतिक्रिया