असमान ढङ्गले तलब बढाएकाे भन्दै अर्थ मन्त्रालयमा नासुहरुको धर्ना

 साउन २३, २०७९ सोमबार १४:२८:५ | उज्यालो सहकर्मी
unn.prixa.net

फाइल फाेटाे

काठमाण्डाै - असमान ढङ्गले कर्मचारीको तलब बढाएको भन्दै नासुहरुले अर्थ मन्त्रालयमा धर्ना दिएका छन् । आज सिंहदरबारमा रहेकाे अर्थ मन्त्रालयअगाडि काठमाण्डौ, भक्तपुर र ललितपुरका नायब सुब्बाहरुले कर्मचारीको तलब समान ढङ्गले बढाउन माग गर्दै धर्ना दिएका हुन् ।

आइतवार सार्वजनिक भएको तलबमानमा बजेटको घोषणाविपरीत तलब बढाइएको भन्दै नायब सुब्बा र त्यसभन्दा तल्लो तहका कर्मचाहरू आन्दोलनमा उत्रिएका छन् ।

यस विषयमा आन्दोलित कर्मचारी र अर्थमन्त्रालयका अधिकारीहरुबीच छलफल भइरहेको र आफ्ना माग पूरा नगरे भोलिबाट झनै सशक्त रुपमा आन्दोलनका कार्यक्रम गर्ने आन्दोलित जिल्ला प्रशासन कार्यालय काठमाण्डौका नायब सुब्बा गोविन्दप्रसाद कोइरालाले बताउनु भयो । उहाँले सुब्बाभन्दा माथिका कर्मचारी र सुब्बासहित त्यो भन्दा तल्लो स्तरका कर्मचारीको तलबमा असमान वृद्धि भएको भन्दै आन्दोलनमा उत्रिएको बताउनु भयो । उहाँले नासुलाई घृणित र अपमानित व्यवहार गरेको बताउनुभयाे । 

उनीहरुले समान तलबवृद्धिको माग गर्न अर्थमन्त्रालय घेराउ गर्नुपरेको बताएका छन् ।

अन्तिम अपडेट: भदौ २५, २०७९

तपाईको प्रतिक्रिया