दिवस मनाउन बिरुवा राेपिन्छ तर धेरैजसाे हुर्किदैनन्

साउन २५, २०७९ बुधबार १४:२:५० | केशवप्रसाद भट्टराई

ताप्लेजुङ – वर्षको दुई पटक वृक्षरोपण गरिन्छ । एकपटक विश्व वातावरण दिवसको दिन र अर्को सामुदायिक वन दिवसको दिन ।

ताप्लेजुङका विभिन्न ठाउँमा एउटा दिवसमा झन्डै दुई सयदेखि साढे दुई सय वटा बिरुवा रोप्ने गरिएको छ । तर दश वर्षको अवधिमा कहाँ बिरुवा रोपिए, कहाँ हुर्किए भन्ने सम्बन्धित कार्यालयलाई नै थाहा छैन । एकै ठाउँमा तीन पटकसम्म बिरुवा रोपिए तर त्यो ठाउँ अहिले उजाड छ । दश वर्षको अवधिमा धुपी, गुराँस, तेजपत्ता, अमला, सल्लोलगायतका बिरुवा रोपिए पनि धेरैजसो बिरुवा हुर्किएका छैनन् ।

दिवसको दिनमा गएर बिरुवा रोपिन्छ अनि त्यो क्षेत्रमा फेरि कोही पनि नपुगेपछि कसरी हुर्किन्छन् त । जिल्लाको तोक्मेडाँडा अगाडि रहेको ब्यारेकको जग्गामा दश वर्षभित्रमा तीन पटकसम्म बिरुवा रोपिए तर अहिले खालि छ, उजाड छ ।

दुई वर्ष अगाडि भिन्तुनाडाडाँमा रोपिएका बिरुवा कता गए भन्ने थाहा छैन । दिवस मनाउने, बिरुवा रोपेर कार्यक्रम गर्ने अनि बेवास्ता गर्दा कसरी हुर्किन्छन् त बिरुवा ? भन्ने स्थानीयवासीकाे गुनासाे छ ।

तर सबै ठाउँमा यस्तो छैन । दश वर्षको अवधिमा वतावरण दिवसको दिन भानुजन माध्यमिक विद्यालयको जग्गामा रोपिएको बिरुवा भने हुर्किएका छन् । विद्यालयको रेखदेखका कारण बिरुवा हुर्किएका विद्यालयका प्रधानाध्यापक किशोर राईले बताउनुभयो । वन डिभिजन कार्यालयले बिरुवा रोपेर दिवस मनाउँछ तर हेरचाह गर्दैन ।

डिभिजन वन कार्यालयका निमित्त प्रमुख बद्रिप्रसाद शाहले कुन साल कति बिरुवा रोपिए, कुन ठाउँमा रोपिए भन्ने अभिलेख नभएको बताउनुभयो ।

यसैबीच मङ्गलवार अर्थात् साउन २४ गते सामुदायिक वन दिवसको दिन फेरि वृक्षरोपण गर्ने काम दोहोरिएको छ । तोक्मेडाँडा सामुदायिक वनको कफीहाउस क्षेत्रमा वृक्षरोपण गरिएको छ । डिभिजन वन कार्यालयको आयोजनामा तेजपत्ता र अमलाका झन्डै दुई सय वटा बिरुवा रोपिएका छन् । यी बिरुवा पनि हुर्किने हो कि होइन भन्ने शङ्का छ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्