नेपालगञ्जमा पेट्रोलको भण्डारण बढाउने तयारी

असोज १०, २०७५ बुधबार १७:३:२८ | गोविन्द शर्मा

बाँके – नेपाल आयल निगमले पेट्रोलियम पदार्थको अभाव हुन नदिन नेपालगञ्जमा पेट्रोल भण्डारणको क्षमता बढाउने प्रक्रिया सुरु गरेको छ ।

निगमको नेपालगञ्जस्थित इन्धन डिपो कार्यालयका प्रमुख अभिशेषकुमार ठाकुरले पेट्रोलको भण्डारण क्षमता बढाउनका लागि औपचारिक प्रक्रिया सुरु भएको जानकारी दिनुभयो ।

नेपालगञ्जमा हाल, डिजेलको २१ लाख लिटर, मट्टितेलको सात लाख ६० हजार लिटर र पेट्रोलको दुई लाख १० हजार लिटरको भण्डारण क्षमताको ट्याङ्की रहेका छन् ।

मट्टितेलको खपत न्यून भएका कारण त्यसको भण्डारण ट्याङ्कीलाई पेट्रोल ट्याङ्कीमा स्थानान्तरणका लागि प्रक्रिया सुरु भएको हो । नेपाल आयल निगमले त्यसका लागि ग्लोबल टेण्डर समेत गरिसकेको छ ।

मट्टितेलको ट्याङ्कीलाई पेट्रोलमा स्थानान्तरण भएपछि मट्टितेलका लागि अर्को सानो ट्याङ्की जडान गर्ने योजना आयल निगमको रहेको छ ।

हालको पेट्रोलको भण्डारण क्षमता अनुसार अढाई देखि ३ दिनसम्म यस क्षेत्रका लागि पुग्ने इन्धन स्टक रहने गरेकोमा अब मट्टितेललाई पेट्रोलमा स्थानान्तरण गरिएपछि ७ देखि ८ दिनसम्म पुग्ने इन्धन भण्डारण हुने आयल निगमले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्