श्रीलङ्कामा हात्ती धपाउन पटकामा बर्सेनि ८० लाख अमेरिकी डलर खर्च

असोज १३, २०७९ बिहीबार ७:०:३७ | एजेन्सी

श्रीलङ्कामा मानव र हात्तीबीचको द्वन्द्व रोक्न वार्षिक ८० लाख अमेरिकी डलर खर्च हुने गरेको वन्यजन्तु मन्त्रालयले जनाएको छ ।

यो खर्च मुख्यगरी पटकामा हुने गरेको छ । कृषि, वन्यजन्तु तथा वन स्रोत संरक्षण मन्त्री महिन्दा अमरविराले सरकारलाई प्रतिवर्ष कम्तीमा १४ लाख हात्तीका लागि पटका आवश्यक पर्ने गरेको जानकारी दिनुभएको छ।

हात्तीले मानव बस्तीमा आक्रमण गर्नुको मुख्य कारण वनक्षेत्रमा घर तथा बस्ती निर्माण हुनु, हात्ती खुलेआम हिँडडुल गर्नु र जङ्गली हात्तीका लागि खाना र पिउने पानीको अभाव हुनु रहेको पनि उहाँले बताउनुभयो ।

मानव र हात्तीबीच हुने गरेको द्वन्द्वमा थप क्षति हुन नदिन स्थायी समाधानका लागि कदम चालिएको तर निक्कै चुनौतीपूर्ण रहेको वन मन्त्री अमरविरालाई उद्धृत गरी चिनियाँ समाचार संस्था सिन्ह्वाले जनाएको छ ।

तथ्याङ्कअनुसार श्रीलङ्कामा मानव–हात्ती द्वन्द्वका कारण बर्सेनि झण्डै तीन सय हात्ती र सय जनाभन्दा धेरै मानिसले ज्यान गुमाउने गरेका छन् । सन् २०१९ मा मानव–हात्ती द्वन्द्वमा श्रीलङ्कामा सबैभन्दा धेरै ४ सय ७ हात्ती मरेका थिए । श्रीलङ्कामा जङ्गली हात्तीको हत्या गर्नु फौजदारी अपराध मानिन्छ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्