विदेशीले भारतमा भएको शेयर धमाधम बेच्न थाले, दुई हप्तामै ७५ अर्ब भारु बाहिरियो

असोज ३१, २०७९ सोमबार ९:४७:५० | एजेन्सी

विदेशी लगानीकर्ताले भारतीय बजारमा भएको शेयर धमाधम बेच्न थालेका छन् । लगातार बजार घट्न थालेपछि अक्टोबरको पहिलो दुई हप्तामै विदेशी लगानीकर्ताले ७५ अर्ब भारुभन्दा धेरैको शेयर बेचिसकेका बीबीसी हिन्दीले जनाएको छ।

विश्वका सबै अर्थतन्त्रमध्ये भारत अझै बलियो मानिने भए पनि विदेशी लगानीकर्ता भने चिन्तित छन् । भारतीय रिजर्भ बैंकका सबै प्रयासका बाबजुद पनि मूल्यवृद्धि नियन्त्रणमा आउन सकेको छैन।

ब्याजदरमा निरन्तर वृद्धि र धेरै अन्तर्राष्ट्रिय संस्थाले भारतको कुल गार्हस्थ उत्पादनको वृद्धि कम हुने प्रक्षेपण गरेका कारण विदेशी लगानीकर्ता आत्तिएका खबरमा उल्लेख छ । यस्तै, अमेरिकामा ब्याजदर बढेपछि लगानीकर्ताले भारतबाट पैसा निकालेर अमेरिकी बैंकमै बचत र लगानी गर्न थालेका छन् ।

सन् २०२२ पछि मात्रै विदेशी लगानीकर्ताले भारतीय शेयरबजारबाट एक लाख ७६ हजार करोड भारु बराबरको शेयर बेचेका छन् । अन्तर्राष्ट्रिय मुद्रा कोष आईएमएफले सन् २०२२/२३ को लागि भारतको आर्थिक वृद्धिको प्रक्षेपण ७ दशमलव ४ प्रतिशतबाट घटाएर ६ दशमलव ८ प्रतिशतमा झारेको छ । आईएमएफले दोस्रो पटक आफ्नो अनुमान कटौती गरेको हो।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्