बाँकेको खजुरामा कृषि क्याम्पस सञ्चालनमा आउँदै

असोज १६, २०७५ मंगलबार १३:३२:३३ | गोविन्द शर्मा

बाँके – बाँकेको खजुरा सन्तकुटीमा कृषि क्याम्पस सञ्चालनका हुने भएको छ ।

खजुरा गाउँपालिका –३, मा रहेको जनता नमुना माविको ९ बिघा जग्गामा कृषि क्याम्पस स्थापना हुन लागेको कृषि क्याम्पस सहयोग तथा सञ्चालन समितिका अध्यक्ष समेत रहनुभएका प्रदेशसभा सदस्य आईपी खरेलले जानकारी दिनुभयो ।

कृषि क्याम्पसका लागि बजेट पनि छुट्टाएको कारण भौतिक पूर्वाधार निर्माण र पठनपाठन छिट्टै सुरु हुने खरेलले बताउनुभयो । जनता माविमा कृषि क्याम्पस स्थापनाका लागि कृषि तथा वन विश्वविद्यालय रामपुरबाट सम्बन्धन लिइएको छ । क्याम्पसमा बीएस्सी कृषिको पढाइ तत्काल सुरु हुने र क्रमशः वन विज्ञानको समेत अध्यापन गराउने खरेलले जानकारी दिनुभयो ।

क्षेत्रीय कृषि अनुसन्धान केन्द्र र कृषि तालिम केन्द्र तथा कपास विकास समितिको केन्द्रीय कार्यालय रहेको खजुरामा लामो समयदेखि कृषि क्याम्पस स्थापनाको पहल भइरहेको छ । हाल जनता नमूना माविको स्वामित्वमा रहेको कित्ता नम्बर ११, २४,२५ र २६ को ६ बिघा तथा कित्ता नम्बर १० को क्षेत्रफलबाट ३ बिघा गरी ९ बिघा जग्गा प्रस्तावित खजुरा कृषि क्याम्पसका लागि उपलब्ध गराउने भन्दै विद्यालय व्यवस्थापन समिति, वडा कार्यालय, खजुरा गाउँपालिका, शिक्षा विकास तथा समन्वय इकाईबाट सिफारिस शिक्षा मन्त्रालयमा पठाइएको थियो ।

सङ्घीय संरचना अनुसार स्थानीय तहले नै जग्गा भोगाधिकारका लागि उपलब्ध गराउन सक्ने भन्दै असोज १२ गते शिक्षा मन्त्रालयले सचिवस्तरीय निर्णय गरेको छ । मन्त्रालयको निर्णयपछि अब खजुरा गाउँपालिकाले मालपोत कार्यालयलाई पत्र पठाएपछि ९ बिघा जग्गा कृषि क्याम्पसले प्राप्त गर्ने छ ।

उज्यालोको यूट्युब च्यानल Ujyaalo TV मा बाउछोरीको कथा हेर्नुहाेस्

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्