अबको ५/६ वर्षमा १५ हजार मेगावाट बिजुली उत्पादन गर्ने क्षमता हुन्छ : घिसिङ

 मंसिर ७, २०७९ बुधबार १३:३७:३५ | उज्यालो सहकर्मी
unn.prixa.net

फाइल फाेटाे

काठमाण्डाै – नेपाल विद्युत् प्राधिकरणका प्रमुख कार्यकारी निर्देशक कुलमान घिसिङले चालु आर्थिक वर्षभित्र नेपालको जलविद्युत् उत्पादन क्षमता ३ हजार मेगावाट पुग्ने बताउनुभएको छ । 

आज बुधवार राष्ट्रिय कर दिवसका अवसरमा उत्कृष्ट करदाता सम्मान कार्यक्रममा बोल्दै घिसिङले १५ वर्ष पूरा भएका जलविद्युत् आयोजनाहरू सम्पन्न हुन लागेकाले चालु आर्थिक वर्षभित्र नेपालको जलविद्युत् उत्पादन क्षमता ३ हजार मेगावाट पुग्ने बताउनुभएको हो । घिसिङले अबको ५/६ वर्षमा १५ हजार मेगावाट जलविद्युत् उत्पादन क्षमता हुने बताउनुभयो । उहाँले १५ हजार मेगावाट विद्युत् उत्पादन पुग्दा झन्डै ५ अर्ब रुपैयाँ विद्युत् प्राधिकरणबाट राजस्व सङ्कलन हुने बताउनुभयो । 

उहाँले भन्नुभयो, ‘यो वर्ष नै झन्डै ३ हजार मेगावाटको क्षमता हुन्छ नेपालमा । हामीले ५/६ वर्षभित्र झन्डै १०/१५ हजार मेगावाट क्षमता हुन्छ भनेर क्यालकुलेशन गरेका छाैँ । ३ हजार मेगावाटमात्रै भयो भने पनि झन्डै ५० अर्बको रोयल्टी तिर्दा रहेछौँ । १५ हजार मेगावाट बिजुली उत्पादन भयाे भने झन्डै ५ खर्ब रुपैयाँ हाइड्रोपावरको रोयल्टी र ट्याक्समात्रै आउने देखिन्छ ।’

प्रमुख कार्यकारी निर्देशक घिसिङले जलविद्युत् आयोजनाको प्रवर्द्धन गर्नसके राजस्वमा ठूलो योगदान पुग्ने बताउनुभयो । उहाँले चालु आर्थिक वर्षको ५ महिनामा बिजुली निर्यात गरेर ११ अर्ब रुपैयाँ आम्दानी गरेको पनि बताउनुभयाे । घिसिङले जलविद्युते देशको समृद्धिका लागि महत्त्वपूर्ण रहेको बताउनुभयो ।

अन्तिम अपडेट: पुस २, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई