एमालेका श्रेष्ठलाई १८ सय मतले पछि पार्दै नुवाकोट १ (ख) मा कांग्रेसका महत विजयी

 मंसिर ८, २०७९ बिहिबार १८:१८:५१ | उज्यालो सहकर्मी
unn.prixa.net

नुवाकाेट – नुवाकोटको प्रतिनिधि सभा सदस्य क्षेत्र नम्बर १ काे प्रदेश सभा सदस्य (ख) मा नेपाली कांग्रेसका रमेशकुमार महत विजयी हुनुभएको छ । 

सत्ता गठबन्धनका उम्मेदवार महतले नेकपा एमालेका पूर्णलाल श्रेष्ठलाई १ हजार ८ सय ९६ मतले पछि पारेर प्रदेश सभा सदस्यको यात्रा तय गर्नुभएको हो । महतले १३ हजार ७ सय २७ मत प्राप्त गर्दा उहाँका प्रतिस्पर्धी श्रेष्ठले ११ हजार ८ सय ३१ मत प्राप्त गर्नुभयाे । 

यस निर्वाचन क्षेत्रमा ६१ हजार २ सय ९३ जना मतदाता रहेकामा ३२ हजार २ सय ५७ मतदाताले मतदान गरेका थिए । चुनावमा खसेको मतमध्ये ३० हजार ७ सय ७ मत सदर र १ हजार ५ सय ५७ मत बदर भएको निर्वाचन अधिकृतको कार्यालयले जनाएको छ ।

अन्तिम अपडेट: मंसिर ९, २०७९

तपाईको प्रतिक्रिया