शेयर बजार दोहोरो अङ्कले बढ्यो, १ अर्ब ३२ करोड रुपैयाँको कारोबार

मंसिर १५, २०७९ बिहिबार १५:१७:३४ | उज्यालो सहकर्मी

काठमाण्डाै – शेयर बजार आज बिहीवार दोहोरो अङ्कले बढेको छ । शेयर बजार परिसूचक नेप्से आज ११ दशमलव २२ अङ्कले बढेर एक हजार नौ सय ६१ दशमलव शून्य ६ विन्दुमा पुगेको छ ।

आज होटल र निर्जीवन बीमाबाहेक सबै समूहको शेयर सामान्य बढेको छ । आज कारोबार रकम पनि उकालो लागेको छ । दुई सय ४१ वटा कम्पनीकाे ३८ लाख ६५ हजार कित्ता शेयर एक अर्ब ३२ करोड २९ लाख रुपैयाँमा कारोबार भएकाे छ । सबैभन्दा धेरै नबिल बैंकको १४ करोड ४५ लाख रुपैयाँको शेयर किनबेच भयो ।

नेप्से परिसूचक बढेकाे दिन धौलागिरि लघुवित्तको शेयर १० प्रतिशत र श्वेत गंगा हाइड्रो कम्पनीको शेयर नौ प्रतिशतले बढेको छ ।

अन्तिम अपडेट: बैशाख ४, २०८१

शेयर बजार दोहोरो अङ्कले बढ्यो, १ अर्ब ३२ करोड रुपैयाँको कारोबार

तपाईको प्रतिक्रिया