मध्य पूर्वका सबैजसो देशमा प्रतिभा पलायनको समस्या अत्यधिक

माघ ३, २०७९ मंगलबार ७:६:२३ | एजेन्सी

मध्यपूर्वका सबैजसो देशहरूले अत्यधिक प्रतिभा पलायनको सामना गर्नुपर्दा देशको चौतर्फी विकासका समस्या रहेको पाइएको छ । उत्कृष्ट र मेधावी विद्यार्थी तथा वैज्ञानिकहरूको ठूलो हिस्साले आफ्नो देश सधैँका लागि छोड्दा ती देशहरुको अनुसन्धान, अर्थव्यवस्था लगायत सुशासनमा समेत समस्या परेको हो ।

संयुक्त राष्ट्र सङ्घीय शैक्षिक, वैज्ञानिक तथा सांस्कृतिक सङ्गठन युनेस्को, अरब लिग र विश्व बैंकले गरेको अध्ययनले मध्यपूर्व र अरबका विकासशील देशबाट झण्डै एक तिहाइ प्रतिभा पलायन हुने गरेको देखाएको एएनआईले जनाएको छ । संयुक्त अरब इमिरेट्स यूएईका मन्त्रिपरिषद् मामिलामन्त्री मोहम्मद अल गेरगावीले पछिल्ला केही वर्षदेखि अरबका प्रतिभाहरु पश्चिमा देशमा सरेका कारण समग्र अरबको समृद्धिमा समस्या आइरहेको बताउनुभएको छ ।

आफ्नो देश छोड्ने उच्च योग्य र प्रतिभाशाली व्यक्तिहरूमध्ये झण्डै आधा चिकित्सक, २३ प्रतिशत इञ्जिनियर र बाँकी अरु विशेषज्ञता प्राप्त व्यक्ति हुन् । यस्तै विदेशमा अध्ययन गर्ने ५४ प्रतिशत विद्यार्थीहरु स्वदेश नफर्किने गरेको पाइएको छ । विदेशमा पढ्ने धेरैजसो विद्यार्थी स्वदेश फर्किएपछि क्षमता अनुसार काम नपाउने बताउने गरेका छन् ।

बेलायतमा अध्ययन गर्ने विद्यार्थीको ३४ प्रतिशत अरबी विद्यार्थी छन् । इजिप्ट, जोर्डन, इराक, ट्युनिसिया, मोरक्को र अल्जेरियाबाट हरेक वर्ष झण्डै एक लाख वैज्ञानिक, इन्जिनियर र चिकित्सकहरू बेलायत पुग्छन् । अष्ट्रेलिया, क्यानडा, अमेरिका लगायतका देशमा जानेहरुको सङ्ख्या पनि उत्तिकै छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मध्य पूर्वका सबैजसो देशमा प्रतिभा पलायनको समस्या अत्यधिक

तस्बिर : एजेन्सी

तपाईको प्रतिक्रिया