शेयर बजार सामान्य बढ्यो, ३ अर्ब ४ करोड रुपैयाँको कारोबार

माघ ५, २०७९ बिहीबार १७:१२:१९ | उज्यालो सहकर्मी

काठमाण्डाै – हिजो बुधवार घटेको शेयर बजार आज बिहीवार सामान्य बढेको छ । शेयर बजार परिसूचक नेप्से आज पाँच दशमलव ७१ अङ्कले बढेर दुई हजार एक सय ७८ दशमलव ८१ विन्दुमा पुगेको छ ।

आज जलविद्युत्, बैंक, निर्जीवन बीमा र म्युचल फन्ड समूहको शेयर सामान्य बढेको छ । अरू समूहको शेयर सामान्य घटेको छ । बजार सामान्य बढे पनि कारोबार रकम भने घटेको छ । हिजो झन्डै पाँच अर्ब रुपैयाँको कारोबार भएकोमा आज दुई सय ४६ वटा कम्पनीका ८२ लाख ४७ हजार कित्ता शेयर तीन अर्ब चार करोड ४५ लाख रुपैयाँमा कारोबार भएकाे छ । सबैभन्दा धेरै एनआईसी एसिया बैंकको १८ करोड रुपैयाँको शेयर किनबेच भयो ।

आज सबैभन्दा धेरै आदर्श लघुवित्तको शेयर १० प्रतिशत र मैलुङखोला जलविद्युत् कम्पनीको शेयर झन्डै १० प्रतिशतले बढेको छ । समग्रमा बजार बढे पनि आज सबैभन्दा धेरै लक्ष्मी लघुवित्तको शेयर साढे पाँच प्रतिशतले घटेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्