अमेरिकी आकाशमा आफ्नो बेलुन पुगेको घटनाप्रति चीनले माग्यो माफी

 माघ २१, २०७९ शनिबार १६:५:१८ | एजेन्सी
unn.prixa.net

अमेरिकाको आकाशमा आफ्नो बेलुन पुगेको घटनाप्रति चीनले माफी मागेको छ । चिनियाँ विदेश मन्त्रालयले अमेरिकाको आकाशमा बेलुन पुगेकोप्रति माफी माग्दै त्याे मानवरहित बेलुन मौसमको अनुसन्धानका लागि प्रयोग गरिने गरेको र निर्धारित बाटो बिराएर त्यहाँ पुगेको बताएको बीबीसीले जनाएको छ ।

पूर्वी अमेरिकातर्फ अघि बढिरहेको विशाल बेलुनका कारण उत्पन्न परिस्थितिलाई ठन्डा दिमागले सम्बोधन गर्न पनि चिनियाँ विदेश मन्त्रालयले आग्रह गरेको छ । मन्त्रालयले निकालेको विज्ञप्तिमा चीनले कहिल्यै पनि कुनै सार्वभौम देशको भौगोलिक तथा हवाई क्षेत्रमा हस्तक्षेप नगरेको उल्लेख छ ।

चीनले अमेरिकी आकाशमा आफ्नो बेलुन पुगेको बारेमा माफी मागेको भए पनि अमेरिकी विदेश मन्त्री एन्टोनी ब्लिङ्कनले आफ्नो निर्धारित चीनको भ्रमण स्थगित गर्नुभएको छ । चीनमा पाँच वर्षपछि अमेरिकी विदेशमन्त्रीको भ्रमण हुन लागेको थियो । ताइवानलाई लिएर भएको तनाव र रुस–युक्रेन युद्धमा चीनले विरोध नगर्नु सँगै अमेरिकी पूर्व राष्ट्रपति ट्रम्पकालीन व्यापार युद्ध र राष्ट्रपति सी जिनपिङको नेतृत्वमा अघि बढेको आक्रामक चीनका कारण दुई देशको सम्बन्ध जोखिमपूर्ण अवस्थामा पुगेको छ ।

तनावका बीच हुन लागेको अमेरिकी विदेशमन्त्रीको चीन भ्रमणलाई महत्वका साथ हेरिएकोमा त्यही बेला अमेरिकी आकाशमा पुगेको चिनियाँ बेलुनका कारण भ्रमण नै रोकिएको हो ।

अन्तिम अपडेट: असार ३, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया