तत्काल धेरै काम सुरु गरेपछि चाैतर्फी आक्रमण गरी चरित्रहत्या गर्न खाेजियाे : अध्यक्ष हमाल

माघ २३, २०७९ सोमबार १९:३८:३६ | उज्यालो सहकर्मी

ललितपुर – धितोपत्र बोर्डका अध्यक्ष रमेश हमालले बोर्डमा बसेर आफूले वित्तीयरूपमा कुनै गल्ती नगरेको दाबी गर्नुभएको छ ।

सोमवार ललितपुरमा आयोजित पत्रकार सम्मेलनमा बोल्दै अध्यक्ष हमालले बोर्डको अध्यक्ष भएर आएको ११ महिनामा बाहिर बजारमा हल्ला आएजस्तो आफूले वित्तीयरूपमा कुनै गल्ती नगरेको दाबी गर्नुभएको हो । उहाँले आफूले धितोपत्र बोर्डमा सुधारका तत्काल धेरै काम सुरु गरेपछि चौतर्फी आक्रमण गरी चरित्रहत्या गर्न खोजिएको आरोप लगाउनुभयो । उहाँले नागरिकताको सवालमा आफूसँग नेपालबाहेक अन्य कुनै पनि देशको नागरिकता, स्थायी बसोबास अनुमतिजस्ता कागजात नभएको दाबी गर्नुभयो ।

उहाँले भन्नुभयो, ‘मलाई धेराबन्दी गर्न खोजिएको छ । बोर्डको अध्यक्ष भएर आएसँगै बोर्डले गरेका कामको तीव्रतालाई देखेर मेरो चरित्रहत्या गर्न खोजिएको हो । मेरोमात्र होइन, परिवारका कसैको पनि विदेशी नागरिकता छैन ।’

अध्यक्ष हमालले समयमा नै विवरण नबुझाउने संस्थाहरूलाई तत्काल कारबाही गर्ने बताउनुभयो । उहाँले जे गरे पनि बाेर्डले कुनै कारबाही गर्दैन भने परम्परालाई तोड्दै कारबाही गर्ने थिति अपनाएको बताउनुभयो । लगानीकर्ताको हितका लागि बोर्ड जस्तोसुकै साहसिक निर्णय लिन तयार रहेको उहाँले दाबी गर्नुभयाे ।

कार्यक्रममा बोर्डका कार्यकारी निर्देशक नियमन विभाग प्रमुख मुक्तिनाथ श्रेष्ठले नयाँ अध्यक्ष आएको १० महिनामा ३८ वटा संस्थाले साधारण शेयर आईपीओ निष्कासन अनुमति पाएको बताउनुभयो । उहाँले बोर्डले प्रत्येक महिनाको चार वटा कम्पनीको दरले आईपीओ निष्कासन अनुमति पाइरहेको बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्