नेपाली इन्जिनियरले बनाएका सफ्टवेयरलाई सरकारले प्राथमिकता दिन सकेन : चन्द्र ढकाल

माघ २४, २०७९ मंगलबार १५:५७:५४ | उज्यालो सहकर्मी

काठमाण्डौ – नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले सरकारले नेपाली प्रविधिलाई प्राथमिकता दिन नसकेको बताउनुभएको छ ।

मङ्गलवारदेखि काठमाण्डौको भृकुटीमण्डपमा सुरु भएको क्यान इन्फोटेक २०२३ को उद्घाटन समारोहमा बोल्दै वरिष्ठ उपाध्यक्ष ढकालले नेपाल प्रविधि तथा डिजिटलाइट क्षेत्रमा धेरै नै अघि बढिसकेको भए पनि सरकारले नेपाली इन्जिनियरहरूले उत्पादन गरेका नयाँ सफ्टवेयरलाई प्राथमिकता दिन नसकेको उल्लेख गर्नुभयो । उहाँले नेपाली इन्जिनियरहरूले बनाएका प्रविधि विदेशीको तुलनामा कम नरहेको बताउनुभयो । नेपालले प्रविधिको क्षेत्रमा विश्वका जुनसुकै देशसँग पनि प्रतिस्पर्धा गर्न सक्ने अवस्था रहेको बताउनुभयो ।

उहाँले भन्नुभयो, ‘नेपाल आईटी वा डिजिटलाइट क्षेत्रमा धेरै नै अघि बढिसकेको छ । नेपाली आईटी इन्जिनियरहरूले तयार गरेको सफ्टवेयर विश्वको कुनै पनि विदेशी आईटी कम्पनीको तुलनामा कमी छ भन्ने मलाई लाग्दैन । नेपाली उत्पादनमा १५ प्रतिशतसम्म बढी मूल्य दिन सक्ने भन्ने किसिमको नीति रहेको छ । त्यही अनुरूप सरकारले आन्तरिक प्राविधिक उत्पादनलाई प्राथमिकता दिनुपर्छ ।’

वरिष्ठ उपाध्यक्ष ढकालले सरकारले नेपाली उत्पादनलाई प्राथमिकता नदिएसम्म कुनै पनि क्षेत्रको विकास हुन सम्भव नरहेको बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्