आजदेखि दाङ–काठमाण्डाै सुतेर यात्रा गर्न सकिने सुविधासहितको बस सञ्चालन

माघ २५, २०७९ बुधबार ७:२०:५ | हेमराज शर्मा

दाङ– आजदेखि दाङ–काठमाण्डाै सुतेर यात्रा गर्न सकिने सुविधासहितको बस सञ्चालन हुने भएको छ । यात्रुहरुको सुविधालाई मध्यनजर गर्दै दाङदेखि काठमाण्डाै रात्री सेवामा ‘स्लीपर एसी’ बस सञ्चालन हुन लागेको हो ।

त्रिसिद्धेश्वरी राप्ती यातयात प्रालि तुलसीपुर दाङले पहिलो पटक भरे बेलुकादेखि यस्तो सुविधाको बस संचालन गर्ने जनाएको छ । साविक राप्ती अञ्चलमा यस्तो सुविधा भएको बस भित्रिएको पहिलो पटक हो । भारतबाट ल्याइएका यी बस आजदेखि नियमित रुपमा चल्ने प्रालिले जनाएको छ ।

दाङदेखि काठमाण्डौसम्म आरामदायी यात्रा गर्न सुत्न मिल्ने सिट रहेका चार वटा एयर सस्पेन्सन स्लीपर बस सञ्चालन गर्ने प्रालिका अध्यक्ष सुरेश हमालले बताउनुभयो । बसमा ४० सिट छ । ती मध्ये ८ वटा सुतेर यात्रा गर्न मिल्ने र ३२ सिटहरु बसेर यात्रा गर्न मिल्ने रहेका छन ।

दाङदेखि काठमाण्डौसम्म सिटमा बसेर यात्रा गर्नका लागि यात्रुले १ हजार ८ सय रुपैयाँ र सुतेर यात्रा गर्न चाहाने यात्रुले २ हजार रुपैयाँ भाडा तिनुपर्ने उहाँले बताउनुभयो । उहाँका अनुसार अहिले यस्ता सुविधा भएका चार वटा बस ल्याइएको छ । दुई वटा बस दाङ–काठमाण्डौ तथा दुई वटा बस दाङ र भारतको दिल्ली चल्ने छन् ।

यस्तो सुविधा भएको एउटा बसको मूल्य ८० लाख रुपैयाँ भन्दा धेरै परेको राप्ती यातयात प्रालिले जनाएको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्