मृतकका परिवारलाई दाबी रकम दिइयो

असोज २६, २०७५ शुक्रबार १७:१२:१२ | शिव ढुंगाना

ओखलढुंगा– नेपाल लाइफ इन्स्योरेन्सले ओखलढुंगाको मोलुङ गाउँपालिका–८, मा पहिरोमा परि ज्यान गुमाएका परिवारलाई मृत्यु दाबी रकम हस्तान्तरण गरेको छ ।

गएको भदौ १३ गते राति पहिरोमा परि मृत्यु भएका पूर्णबहादुर राईका छोराछोरीलाई २ लाख ६ हजार ५०० रुपैयाँ प्रदान गरिएको हो । मृतक पूर्णबहादुरले गएको असारमा १ लाखको जीवन बीमा गर्नुभएको थियो । उहाँले पहिलो किस्ता तिरेकाले क्षतिपूर्तिस्वरुप १ लाख, दुर्घटनाबाट मृत्यु भएकाले १ लाख र १ वर्षको बोनस गरी त्यो रकम हस्तान्तरण गरिएको हो ।

नेपाल लाइफ इन्स्योरेन्सको उपशाखा कार्यालय ओखलढुंगाले पूर्णबहादुरका दुई छोरी उर्मिला, सुशीला र एक छोरा आशिषलाई संयुक्त रुपमा २ लाखभन्दा बराबरको चेक प्रदान गरेको उपशाखा प्रमुख छवीलाल मगरातीले बताउनुभयो ।

घटनामा राईसहित उनकी श्रीमती धनकुमारी राई, छोरा अनिश राई र दिदी मित्रमाया राईको ज्यान गएको थियो । पूर्णबहादुरका १३ वर्षीया छोरी उर्मिला राई, ७ वर्षीया छोरी सुशीला राई र ६ वर्षका छोरा आशिष राई मावली घरमा गएकाले पहिरोबाट जोगिएका थिए ।

चिशंखुगढी गाउँपालिका–७, मा रहेको मावलीको संरक्षणमा बस्दै आएका पूर्णबहादुरका छोराछोरीलाई त्यो रकम गाउँपालिकाकी उपाध्यक्ष शुष्मा राई र इन्स्योरेन्सका उपशाखा प्रमुख छवीलाल मग्रातीले संयुक्त रुपमा चेक हस्तान्तरण गरेका हुन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मृतकका परिवारलाई दाबी रकम दिइयो

प्रतिकात्मक तस्बिर

तपाईको प्रतिक्रिया