अन्तर्राष्ट्रिय फोटो प्रतियोगितमा रौनियारले जिते तेस्रो पुरस्कार

जेठ २४, २०७५ बिहीबार १८:२९:४६ | उज्यालो सहकर्मी

यूरोपेली कमिसनमा रहेकाे अन्तर्राष्ट्रिय साझेदारी र विकाससम्बन्धी निर्देशनालयले आयोजना गरेको अन्तर्राष्ट्रिय फोटो प्रतियोगितामा नेपालका ईश्वर रौनियारले तेस्रो पुरस्कार जितेका छन् ।

नेपालमा रहेकाे डयान्चर्च एड नामक अन्तर्राष्ट्रिय गैरसरकारी कार्यालयमा कार्यरत उनले बेल्जियमको ब्रसेल्समा यही बुधबार आयोजित समारोहमा पुरस्कार जितेका हुन् ।

दीर्घकालीन उर्जामा महिला सशक्तिकरण विषयक प्रतियोगितमा पेरु र फ्रान्सका सहभागीले क्रमशः प्रथम र दोस्रो पुरस्कार प्राप्त गरेका छन् । रौनियारको तस्बिरमा नेपालको ग्रामीण भेगका महिलाले सुधारिएको चुल्होमा खाना पकाउनाले उनीहरुको समय बचत र स्वास्थ्यमा आएको सकारात्मक परिवर्तन देखाइएको छ।

‘त्यस प्रकारका चुल्होले दाउराको खपत कम गर्नुका साथै एकै समयमा तीनथरी खाना बनाउन मद्दत गर्छ । साथै हिमाली र पहाडी भेगमा न्यानो दिने काम पनि गर्छ। धूँवाको निकास पाइपबाट हुने भएकोले यसले स्वास्थ्यमा नराम्रो असर गर्दैन र यसबाट निस्केको खरानीले करेसाबारीको मलको काम पनि गर्दछ,’ रौनियारले भने ।

ब्रसेल्सको कार्यक्रममा पुरस्कार प्राप्त गरेपछि रौनियारले भने, ‘यस पुरस्कारले यूरोपली देशहरुले नेपाल जस्ता विकासशील देशमा विकासका मुद्दामा रहेकाे चासो झल्काउँछ।’

प्रतियोगितमा ७० भन्दा बढ़ी देशको जम्मा ९९ फोटोहरु प्रतिस्पर्धाका लागी छानिएका थिए । जसमध्ये दर्शकका अनलाइन भोटका अधारमा ३० उत्कृष्ट फोटोहरु छानिएका थिए। उत्कृष्ट तीन फोटोहरु भने यूरोपेली कमिसनकाे अन्तर्राष्ट्रिय साझेदारी र विकाससम्बन्धी निर्देशनालयका प्रतिनिधि तथा बाहिरी फोटोग्राफरले छानेका थिए ।

अन्तिम अपडेट: चैत २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्