डिजिटल कारोबारमा उच्च वृद्धि, मोबाइल बैंकिङबाट एकै महिनामा १ खर्ब ७२ अर्ब रुपैयाँ भुक्तानी

फागुन ३०, २०७९ मंगलबार १४:२७:४० | उज्यालो सहकर्मी

काठमाण्डाै – पछिल्लो समय डिजिटल कारोबारमा उच्च वृद्धि भएको छ । नेपाल राष्ट्र बैंकले सार्वजनिक गरेको चालु आर्थिक वर्षको साउनदेखि माघसम्मको वित्तीय विवरणअनुसार मोबाइल बैंकिङ, इन्टरनेट बैंकिङ, क्यूआर, कनेक्ट आईपीएस लगायतका माध्यमबाट हुने डिजिटल भुक्तानीमा उच्च वृद्धि भएको हो ।

माघ महिनामा मात्रै मोबाइल बैंकिङबाट दुई करोड २२ लाख पटक कारोबार हुँदा एक खर्ब ७२ अर्ब रुपैयाँ भुक्तानी भएको छ । यो गएकाे वर्षको माघ महिनाको तुलनामा ८५ प्रतिशतले धेरै हो । गएकाे वर्षको माघ महिनामा मोबाइल बैंकिङबाट एक करोड ३८ लाख पटकमा ९२ अर्ब ७६ करोड रुपैयाँ भुक्तानी भएको थियो । नेपालमा एक वर्षमा मोबाइल बैंकिङ प्रयोगकर्ताको सङ्ख्या ६२ लाखभन्दा धेरैले बढेको छ । अहिले दुई करोड ३६ हजार मोबाइल बैंकिङका प्रयोगकर्ता रहेका विवरणमा उल्लेख छ ।

यस्तै इन्टरनेट बैंकिङबाट माघमा १२ अर्ब ४१ करोड रुपैयाँको भुक्तानी भएको छ । इन्टरनेट बैंकिङ प्रयोगकर्ताको सङ्ख्या १७ लाख ६४ हजार रहेको छ । यस्तै कनेक्ट आईपीएस प्रयोगकर्ताको सङ्ख्या पनि १० लाख २२ हजार नाघेको छ । कनेक्ट आईपीएसमार्फत एकै महिनामा ४२ लाख वटा कारोबारमार्फत तीन खर्ब २८ अर्ब रुपैयाँभन्दा बढी भुक्तानी भएको छ । यस्तै माघ महिनामा क्यूआर कोडमार्फत ५७ लाख ८२ हजार वटा कारोबार हुँदा १७ अर्ब ७६ करोड रुपैयाँको भुक्तानी भएको नेपाल राष्ट्र बैंकले जनाएको छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्