बैंक तथा वित्तीय संस्थामा भएको धरपकड र जबरजस्तीप्रति सिबिफिनको आपत्ति

चैत १, २०७९ बुधबार १२:१०:३५ | उज्यालो सहकर्मी

काठमाण्डाै – बैंक तथा वित्तीय संस्थामा भएको धरपकड र जबरजस्तीप्रति बैंक तथा वित्तीय संस्था परिसंघ (सिबिफिन)ले आपत्ति जनाएको छ ।

आज एक विज्ञप्ति निकालेर सिबिफिनले अत्यावश्यक सेवाका क्षेत्रमा कुनै पनि किसिमका बन्द तथा हड्ताल जस्ता कार्य गर्न नहुने/नपाइने नियमको उल्लङ्घन गरी भैरहेका घटनाप्रति ध्यानाकर्षण भएको जनाएको छ । विज्ञप्तिमा मकवानपुरको हेटौंडामा रहेको कुमारी बैंकको शाखा कार्यालयलगायतमा बैंकिङ सेवा अवरुद्ध गरिएको, सेवाग्राहीलाई सेवा लिनबाट बञ्चित गर्ने, धरपकड गर्ने र कार्यालय नै बन्द गर्न पत्र संप्रेषणसहित धम्की दिने जस्ता गतिविधिप्रति बैंक तथा वित्तीय संस्था परिसंघ नेपाल (सिबिफिन) ले खेद प्रकट गरेको उल्लेख छ ।

साथै सिबिफिनले वार्ता तथा संवादको माध्यमबाट समस्या समाधानका लागि पहलकदमी लिन नेपाल सरकार, गृह मन्त्रालय, नेपाल राष्ट्र बैंक, सुरक्षा निकायसहित सम्बन्धित व्यवसायिक संस्थालाई आग्रह गरेको छ । बैंकिङ क्षेत्रजस्तो अत्यावश्यक सेवालाई निर्वाध संचालन हुने वातावरण सृजना गर्न र आवश्यक शान्ति सुरक्षाको व्यवस्था मिलाउन पनि आग्रह गरिएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्