साउदी अरबसहितका देशले उत्पादन कटौतीको निर्णय गरेसँगै विश्व बजारमा तेलको भाउ आकाशियो

चैत २०, २०७९ सोमबार १३:४७:५१ | एजेन्सी

तेल उत्पादक राष्ट्रहरूको सङ्गठन ओपेक र ओपेक प्लसको निर्णयले विश्व बजारमा पेट्रोलियम पदार्थको मूल्य बढेको छ । आज साेमवार बिहान एसियाली बजारमा तेलको मूल्य झन्डै छ प्रतिशतले बढेको छ ।

हिजो आइतवार साउदी अरबले अचानक तेल उत्पादन प्रतिदिन १० लाख ब्यारेलले कटौती गरेको घोषणा गरेसँगै विश्व बजारमा तेलको भाउ बढेको हो । साउदी अरबसँगै इराक, यूएई, अल्जेरिया र ओमानले पनि आउँदो मे महिनादेखि उत्पादन कटौती सुरु गरी यो अङ्ग्रेजी वर्षको अन्त्यसम्म जारी रहने निर्णय गरेका छन् । गएकाे वर्ष अक्टोबरमा ओपेक प्लसले दैनिक २० लाख ब्यारेल तेल उत्पादन कटौती गर्ने घोषणा गरेको थियो ।

अमेरिकाले साउदी अरेबियालाई तेल उत्पादनमा कटौती नगर्न दबाब दिइरहेको छ तर साउदी अरेबियाले अस्वीकार गरेको छ । गएकाे वर्ष जुलाईमा अमेरिकी राष्ट्रपति जो बाइडेनले साउदी अरबको भ्रमण गरेर राजकुमार मोहम्मद बिन सलमानसँग तेल उत्पादन बढाउन आग्रह गर्नुभएको थियो । तर साउदीले अमेरिकाको आग्रहलाई अस्वीकार गर्दै आएको छ ।

तेल उत्पादनमा कटौतीको घोषणा गरेपछि विश्वव्यापी मूल्यवृद्धि झनै चुलिने खतरा छ । अब विश्वभरका केन्द्रीय बैंकहरूले ब्याजदर बढाउन सक्छन् । युवराज मोहम्मद बिन सलमानले अमेरिकाको नीतिलाई निरन्तर अस्वीकार गर्दै आफ्नो स्वार्थअनुसार निर्णय लिइरहनुभएको छ । युवराज मोहम्मद बिन सलमानले अमेरिकाको स्वार्थका लागि साउदी अरेबियाले काम नगर्ने र आफ्नो स्वार्थ र हितका लागि काम गर्ने बताउनुभएको छ ।

यसअघि अमेरिकाको नेतृत्वमा तेल उत्पादन गर्ने राष्ट्रहरूको सङ्गठन ओपेक रहेकोमा केही वर्षअघि साउदी अरब, रुसलगायतका देशले ओपेक प्लस सङ्गठन निर्माण गरेका छन् । तेलको भाउ बढ्दा रुसलाई फाइदा हुने भन्दै अमेरिकाले तेल उत्पादन बढाएर भाउ घटाउन साउदी अरबलाई दबाब दिइरहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

माधबढकालअमेरि
April 3, 2023, 1:57 p.m.
अमेरिकियुगकोअन्त्यकोप्रमाण।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साउदी अरबसहितका देशले उत्पादन कटौतीको निर्णय गरेसँगै विश्व बजारमा तेलको भाउ आकाशियो

फाइल तस्बिर

1 Comments

माधबढकालअमेरि

तपाईको प्रतिक्रिया

तपाईको प्रतिक्रिया