तोरीको तेलमा लाग्दै आएको १३ प्रतिशत 'भ्याट' खारेज गर्न माग

जेठ ७, २०८० आइतबार १५:९:५५ | उज्यालो सहकर्मी

काठमाण्डाै – नेपाल चामल, तेल, दाल, उद्योग सङ्घले तोरीको तेलमा लाग्दै आएको १३ प्रतिशतको मूल्य अभिवृद्धि कर (भ्याट) खारेज गर्न सरकारसँग माग गरेको छ ।

आइतवार सङ्घले काठमाण्डाैमा पत्रकार सम्मेलन गर्दै तोरीको तेलमा लाग्दै आएको १३ प्रतिशत भ्याट खारेज गर्न सरकारसँग माग गरेको हो । सङ्घले तोरीको तेल अत्यावश्यक खाद्य वस्तु भएको भन्दै अवैधरूपमा भित्रिने तोरीको तेलका कारण स्वदेशी उद्योगहरू बन्द हुन थालेको बताएको छ ।

पत्रकार सम्मेलनमा सङ्घका अध्यक्ष सुबाेध गुप्ताले सरकारले स्वदेशी उद्योगहरू बन्द हुन नदिनका लागि १३ प्रतिशत भ्याट खारेज गर्नुपर्ने बताउनुभयो । उहाँले नेपालमा तोरीको तेल उत्पादन गर्दा एक प्रतिशत कच्चा पदार्थ र १३ प्रतिशत भ्याट रहेको बताउनुभयो । उहाँले भारतमा तोरीको तेल उत्पादन भएकाले सीमा नाकाबाट अवैधरूपमा तोरीको तेल आइरहेको बताउनुभयो । उहाँले नेपालमा तेल उद्योगलाई बचाउनका लागि सरकारले चोरीपैठारी नियन्त्रण गर्ने र १३ प्रतिशत कर खारेज गर्न आवश्यक रहेको पनि बताउनुभयो । सरकारले सङ्घका दुई वटा माग सम्बोधन नगरेसम्म भारतसँग प्रतिस्पर्धा गर्न नसक्ने अध्यक्ष गुप्ताकाे भनाइ छ ।

सङ्घले भारतमा कृषि उत्पादनमा मल, बिउलगायतका क्षेत्रमा सहुलियत र तोरी तेलमा भ्याट नलाग्ने भएकाले भारतीय तोरी तेल नेपाली तोरीको तेलभन्दा लगभग २५ प्रतिशत सस्तोमा बिक्री भइरहेको बताएको छ । सङ्घले अस्वस्थ प्रतिस्पर्धाका कारण अनधिकृत व्यापारले नेपाली बजारमा प्रोत्साहन पाइरहेको बताएको छ । यस्तै सङ्घले बैंक ब्याज एकल अङ्क हुनुपर्ने, विद्युत् अनुदान तथा अन्य सुविधा हुनुपर्ने र क्रेडिट एक्ट लागू हुनुपर्ने माग राखेको छ ।

राष्ट्रिय अर्थतन्त्रलाई सबल र सक्षम बनाउन आन्तरिक उत्पादन र स्वदेशी उद्योगहरूलाई निश्चित नीति निर्माण गर्न आवश्यक रहेको सङ्घको माग छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Binod Rijal
May 21, 2023, 3:35 p.m.
Removing 13% VAT is a good idea. But for sustain business , reducing bank interest rate to a single digit is not appropriate.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तोरीको तेलमा लाग्दै आएको १३ प्रतिशत 'भ्याट' खारेज गर्न माग

प्रतीकात्मक तस्बिर

1 Comments

Binod Rijal

तपाईको प्रतिक्रिया

तपाईको प्रतिक्रिया