मनसुन फैलने क्रम सुस्त, कोशीका एक/दुई ठाउँमा राति ठूलो पानी पर्न सक्ने

असार २, २०८० शनिबार ८:४४:२० | उज्यालो सहकर्मी

काठमाण्डाै – अहिले देशका पहाडी क्षेत्रमा मौसम बदली भएको छ । कोशी प्रदेशसहित देशका पहाडी क्षेत्रमा मौसम आंशिकदेखि सामान्य बदली रहेको जल तथा मौसम पूर्वानुमान महाशाखाले जनाएको छ ।

आज कोशी, बाग्मती र गण्डकी प्रदेशका केही ठाउँमा र बाँकी थोरै पहाडी भागमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेको महाशाखाका मौसमविद् गोविन्द झाले बताउनुभयो । उहाँका अनुसार आज राति कोशी प्रदेशको एक–दुई ठाउँमा ठूलो पानी पर्न सक्ने अनुमान छ । देशका मध्य तथा पश्चिम तराईमा अत्याधिक गर्मी यथावत् नै छ । यी क्षेत्रमा भोलिसम्म नै तातो हावा ‘लू’ चल्ने अनुमान छ ।

अहिले देशको पूर्वी तथा मध्य भागमा मनसुनी प्रणालीको प्रभाव रहेको छ भने बाँकी ठाउँमा स्थानीय वायु र पश्चिमी वायुको आंशिक प्रभाव रहेको छ । गएको जेठ ३१ गते बुधबार नेपालको पूर्वी भेग भएर मनसुन भित्रिएको थियो । मनसुन क्रमिकरुपमा फैलिरहेको र यो देशभर फैलिन अझै केहि दिन लाग्ने महाशाखामा मौसमविद् झाले जानकारी दिनुभयो ।

‘मनसुन सुस्त गतिमा छ, पश्चिमतिर फैलिन केही दिन लाग्छ, उहाँले भन्नुभयो,‘मनसुन प्रणाली केही कमजोर रहे पनि केही ठाउँमा पानी पर्नेछ ।’ मनसुन फैलिन अनुकूल अवस्था नहुँदा पश्चिमतिर फैलिन नसकेको मौसमविद्को भनाई छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्