दुई देशको तनावपूर्ण सम्बन्धका बीच अमेरिकी विदेशमन्त्री ब्लिन्केन चीनमा

असार ३, २०८० आइतबार १३:५८:४२ | एजेन्सी

अमेरिकी विदेशमन्त्री एन्टोनी ब्लिन्केन चीन पुग्नुभएको छ । दुई ठूला अर्थतन्त्र भएका देशबीचको तिक्ततापूर्ण सम्बन्धका बीच अमेरिकी विदेशमन्त्री ब्लिन्केन चीनको राजधानी बेइजिङ पुग्नुभएको बीबीसीले जनाएको छ ।

ब्लिन्केन गएकाे पाँच वर्षयता चीन भ्रमण गर्ने पहिलो शीर्ष अमेरिकी कुटनीतिज्ञसमेत हुनुहुन्छ । यसअघि गएको फेब्रुअरीमा अमेरिकी विदेशमन्त्री ब्लिन्केनले चीन भ्रमण गर्ने तयारी रहेकोमा अमेरिकी आकाशमा चिनियाँ जासुसी बेलुन उडेको विषयलाई लिएर अन्तिम समयमा रोकिएको थियो । सन् २०२१ मा जो बाइडेन अमेरिकाको राष्ट्रपतिमा नियुक्त भएपछि चीनमा अमेरिकाबाट उच्च तहको भ्रमण भएको थिएन ।

दुई दिने भ्रमणका क्रममा ब्लिन्केनले परराष्ट्रमन्त्री छिन ग्याङ, चीनका शीर्ष कुटनीतिज्ञ वाङ यीसँग भेटघाट गर्ने कार्यक्रम छ । सम्भव भएमा राष्ट्रपति सी चिनपिङसँग पनि भेटघाट हुने बताइएको एएफपीले जनाएको छ । यात्राको एजेन्डामा दुवै देशबीच सम्बन्ध सुधार्नु, व्यापारमा सहजीकरण र युक्रेन युद्धमा रुसलाई जाने चिनियाँ हतियारलाई रोक्ने विषय रहेका छन् ।

ब्लिन्केनको भ्रमणले आउँदो महिनामा थप द्विपक्षीय बैठकको तयारी हुने बीबीसीले जनाएको छ । हिजो शनिवार अमेरिकी राष्ट्रपति बाइडेनले आउँदो केही महिनामा चिनियाँ राष्ट्रपति सी जिनपिङसँग भेट्न सक्ने बताउनुभएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्