ध्वजे डाँडामा २२ वटा देशको झन्डा

असार ५, २०८० मंगलबार १३:२४:२९ | सन्ताेष रुचाल

धनकुटा – धनकुटाको पर्यटकीय स्थल ध्वजे डाँडामा आन्तरिक तथा बाह्य पर्यटकलाई आकर्षित गर्न नेपालसहित विश्वका २२ वटा देशको राष्ट्रिय झन्डा फहराइएको छ ।

साँगुरीगढी गाउँपालिका–५ मा रहेको ध्वजे डाँडामा झन्डै २० फिट उचाइ भएका झन्डाहरू फहराइएको हो । झन्डा फहराएपछि ध्वजे डाँडामा छुट्टै आकर्षण देखिएको छ । झन्डा राख्न नेपाल पर्यटन बोर्डको पाँच लाख, साँगुरीगढी गाउँपालिकाको एक लाख २५ हजार र जनसहभागिताकाे ३५ हजार छ सय चार रुपैयाँ लागत रहेको साँगुरीगढी–५ का वडाध्यक्ष खड्गबहादुर लिम्बुले जानकारी दिनुभयाे । अन्य पर्यटकीय स्थलभन्दा फरक र आकर्षक बनाउन यो अवधारणा अघि सारिएको वडाध्यक्ष लिम्बुले बताउनुभयाे ।

धनकुटाको साँगुरीगढी गाउँपालिकालाई कोशी प्रदेश सरकारले प्रदेशकै प्रमुख पर्यटकीय पालिका घाेषणा गरेकाे छ । ध्वजे डाँडालाई आकर्षणको केन्द्र बनाई विशेषगरी बाह्य पर्यटक भित्र्याउने उद्देश्यले विभिन्न देशको झन्डा फहराइएको साँगुरीगढीका अध्यक्ष जितेन्द्र रुम्दाली राईले बताउनुभयाे । यस ठाउँमा विश्वभर रहेका देशको झन्डा फहराउने अभियान रहेको पनि उहाँले बताउनुभयाे ।

यसअघि यो क्षेत्रमा एउटा 'भ्यु टावर' निर्माण गरिएको थियाे । मौसम खुलेको बेला सूर्योदयसँगै हिमशृङ्खला हेर्न सकिन्छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्