नवलपरासीकाे कावासाेतीमा विषाक्त खानाका कारण चार वटा गिद्ध मरेका भेटियाे

असार ९, २०८० शनिबार १४:२२:७ | रासस

नवलपरासी - नवलपरासी (बर्दघाट–सुस्तापूर्व) को कावासोतीमा विषाक्त खानाका कारण चार वटा गिद्ध मरेका छन् । कावासोती नगरपालिका–३ केरुङ्गे खोला नजिक मङ्गलवार लोपोन्मुख चार वटा डङ्गर गिद्ध मरेका भेटिएका हुन् ।

'गिद्ध मृत भेटिएको ठाउँ नजिकै स्यालसमेत मरेको भेटिएको थियो' संरक्षणकर्मी डीबी चौधरीले भन्नुभयो, 'पोष्टमार्टम रिपोर्टबाट विषाक्त खानाको कारण गिद्ध मरेको पुष्टि भएको छ ।' विषादीयुक्त खाना खाएर स्याल मरेको र त्यही स्यालको सिनो खाएका कारण गिद्धको मरेका पाइएकाे छ ।

'गिद्ध संरक्षणमा विषादी प्रयोग चुनौतीपूर्ण बनेको छ', चौधरीले भन्नुभयो, 'यस क्षेत्रमा गिद्ध मरेको चार महीनायता यो दोस्रो घटना हो ।'

गएकाे फागुनमा समेत विषाक्त खानाका कारण यहाँ पाँच वटा डङ्गर प्रजातिका गिद्ध मरेका थिए । प्रकृतिको कूचीकारको रुपमा रहेको लोपोन्मुख प्रजातिको गिद्ध संरक्षण गर्नु सबैको कर्तव्य भएको चौधरी बताउनुहुन्छ । यस विषयमा गम्भीर भएर सोच्न सरोकारवाला सबैलाई उहाँले आग्रह गर्नुभयो । गाईबस्तुलाई दुखाइ कम गराउन खुवाइने प्रतिबन्धित औषधि तथा स्याल मार्न प्रयोग गरिने विषादीका कारण गिद्ध संरक्षणमा चुनौती थपिएको छ ।

गिद्ध मृत भेटिएको केरुङ्गे खोलाबाट नजिकैको दूरीमा गिद्ध संरक्षण गर्न निर्माण गरिएको पिठौलीको जटायु रेष्टुरेन्टसमेत पर्दछ । यस क्षेत्रमा ठूलाठूला सिमलका रुख रहेकाले गुँड बनाउन र बस्न गिद्धका लागि याे ठाउँ उपयुक्त रहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नवलपरासीकाे कावासाेतीमा विषाक्त खानाका कारण चार वटा गिद्ध मरेका भेटियाे

फाइल तस्बिर

तपाईको प्रतिक्रिया