विदेशमा अलपत्र परेर फर्किएका श्रमिकलाई क्षतिपूर्ति नदिने दुई म्यानपावर खारेज

साउन २५, २०८० बिहीबार ११:३२:१७ | उज्यालो सहकर्मी

काठमाण्डौ – विदेशमा अलपत्र परेर फर्किएका श्रमिकलाई क्षतिपूर्ति नदिने दुई म्यानपावर खारेज गरिएकाे वैदेशिक रोजगार विभागले जनाएको छ ।

वैदेशिक रोजगारीमा पठाएर करार अनुसारको काम र तलब नपाई अलपत्र परेर फर्किएका श्रमिकलाई पटक पटक ताकेता गर्दा पनि क्षतिपूर्ति नदिएपछि डिलक्स एचआर सोलुसन र डी–स्क्वार ग्रुपको नवज्योति एचआर सोलुसन म्यानपावर कम्पनी खारेज गर्दै एक लाख रुपैयाँ जरिवानासमेत गरिएको विभागले जनाएको छ ।

यी म्यानपावरले वैदेशिक रोजगारीमा पठाएका श्रमिकले करार सम्झौता अनुसार सेवा सुविधा नपाएपछि अलपत्र परेर स्वदेश फर्किएका थिए ।

स्वदेश फर्किएपछि विभागमा परेको उजुरीको आधारमा कानुन अनुसार श्रमिकलाई क्षतिपूर्ति दिन म्यानपावर कम्पनीलाई विभागले निर्देशन दिएको थियो ।

तर पटक पटक ताकेता गर्दा पनि निर्देशन पालना नगरी अटेरी गरेपछि विभागले वैदेशिक रोजगार ऐन अनुसार पीडितको क्षतिपूर्ति बापतको रकम संस्थाको धरौटी रकमबाट भराई एक लाख रुपैयाँ जरिबानासहित विदेशमा श्रमिक पठाउने अनुमति नै खारेज गरिएको जनाएको छ ।

विभागका अनुसार डिलक्स म्यानपावरले बाइक राइडर र ट्याक्सी चालकमा पठाएका श्रमिक सम्झौता अनुसारको काम नपाएपछि अलपत्र परेका थिए । त्यस्तै डी–स्क्वारले साइप्रसमा पठाएका दुई जना महिलाहरू श्रमिक सम्झौता अनुसार काम नभएपछि स्वदेश फर्किएका थिए ।

वैदेशिक रोजगार विभागसँग श्रमिक पठाउन अनुमति लिएका म्यानपावर कम्पनीहरूले पठाएका श्रमिकले करार अनुसार काम र तलब नपाएर फर्किएमा क्षतिपूर्ति सम्बन्धित म्यानपावर कम्पनीले नै दिनु पर्ने व्यवस्था वैदेशिक रोजगार ऐनले गरेको छ ।

तर विभागले दिएको निर्देशनमा अटेरी गरेपछि संस्थाले धरौटी राखेको रकमबाटै क्षतिपूर्ति भराउने र कारबाहीसहित म्यानपावर नै खारेजीको निर्णय गरिएको विभागले जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्